Vibe P1: «Малика»даги энг қиммат Lenovo телефонларидан бирига батафсил назар

Lenovo Vibe P1 смартфони 2015 йилнинг октябрь ойида Хитойнинг мультинационал технология компанияси бўлмиш Lenovo томонидан тақдим қилинган.

Смартфоннинг корпуси пластик ва металл хомаёшсидан ишланган. Смартфон ўлчамлари: 152.9 x 75.6 x 9.9 мм бўлиб, у 187 грамм тош босади.

Гаджет Android 5.1 Lollipop операцион тизимида фаолият кўрсатади.

Vibe P1 алоқанинг GSM, WCDMA, LTE каби тармоқларини қўллаб-қувватлайди. У 1.5 ГГц частотада ишлайдиган, 64 бит ва 8 ядроли Qualcomm Snapdragon 615 процессори билан таъминланган. Шунингдек, унга Adreno 405 қўшимча видеопроцессор ҳам ўрнатилган.

Қурилманинг тезкор хотирасининг сиғими 2 ГБ. Шунингдек, унда маълумотларни сақлаш учун 32 ГБ сиғимига эга доимий хотира мавжуд. Қўшимча microSD хотира бўлмачасига эса 160 ГБгача маълумот сиғимига эга қўшимча хотира флешкасини ўрнатса бўлади.

Мобиль қурилма интерфейсида Wi-Fi, Bluetooth 4.0 LE, қувватлаш ва маълумот алмашиш учун microUSB порти, аудио қулоқчин учун 3.5 мм порт мавжуд.

Lenovo Vibe P1 экрани IPS технологиясида ишлаб чиқарилган, унинг диагонали 5.5 дюйм бўлиб, 1920×1080 пиксель сиғимига эга, яъни Full HD дислпей.

Гаджетнинг бош камераси 13 Мп. Шунингдек, олд камеранинг пиксель сиғими 5 Мп. Унинг камера имконияти «ўртача» деб баҳоланган.

Кенг манзарани суратга олишда қурилманинг имконияти юқори экан. Унинг олган суратларини Sony Xperia Z5, Samsung Galaxy S6’да олинган суратлар билан қиёслаш мумкин. Олд камерада автофокус йўқ. Кундуз куни олинган суратлар аниқ-тиниқ бўлса ҳам, тунги суратларда хиралик кўзга ташланади.

Мобиль аппаратда GPS ҳамда Глонасс навигация тизимлари ўрнатилган. Шу билан бирга, унда акселерометр, ёруғлик датчиги, масофа-оралиқ сенсорлари мавжуд.

Lenovo Vibe P1 смартфонининг энг аҳамиятли жиҳати 5000 мА соат электр сиғимига эга аккумуляторидир.

Аккумуляторни тўла қувватлаб 16 соат Full HD форматидаги видео кўриш мумкин. Худди шу қувват билан қурилмадан интернетда матн ўқиш, маълумот қидириш учун 9.5 соат фойдаланиш мумкин. Мисол учун, iPhone 6s Plus аккумулятори бу ишга 6 соат дош бериши мумкин.

Ўзига хос жиҳатлари:

Аккумуляторнинг катта сиғими;

5.5 дюймли ихчам экран;

Металл корпус;

2 SIM-карта учун жой;

Бармоқ изи сканери;

Нарх-навоси.

Камчилиги:

Бармоқ излари сканерининг бир оз секин ишлаши;

Камеранинг «ўртача» даражали экани.

2016 йилнинг июль ҳолатига кўра, «Малика» савдо марказида Lenovo Vibe P1 телефони 2 170 000 сўмдан сотилмоқда.

Смартфоннинг Amazon интернет дўконидаги  нархи эса 300 доллар.

Lenovo Vibe P1 мобиль алоқа қурилмасида олинган суратлар: