ВИДЕО: қайишқоқ OLED-экранли буклама смартфонни ишлаётган ҳолатида кўринг!
2017 йилдан буён кўплаб етакчи технокомпаниялар букланувчи дисплейга эга мобил қурилма яратиш устида ишлашмоқда. Ҳатто айрим смартфонсозлар бундай девайс учун патент олишган ҳам.
ЎҚИНГ: Huawei яна олдинда: илк қайрилма смартфонни шу йилдаёқ кўрамиз!
Тайвань Саноат технологиялари илмий-тадқиқот институти ходимлари эса аллақачон шундай смартфон прототипини тайёрлашга ҳам улгуришибди! Унда OLED – органик ёруғлик диодлари технологиясига асосланган қайишқоқ дисплей қўлланган.
Мана, ўзингиз томоша қилинг-да:
Қайишқоқ дисплейли буклама смартфонлар яратишдаги асосий муаммолардан бири – бундай қурилмаларнинг яроқлилик муддати узоққа бормаслигидир. Юқоридаги прототипни ишлаб чиққан ходимларнинг таъкидлашларича, у тижорат мақсадида чиқариладиган маҳсулотга максимал даражада яқинлаштирилган. Ушбу қурилма 200 000 марта очиб-ёпишга мўлжалланган; ҳатто кунига 150 марта очиб-ёпганда ҳам бундай смартфонни тахминан 4 йил ишлатиш мумкин.
Шундай форм-факторга эга смартфонларни яратиш устида Samsung, Huawei, LG ва ҳатто Apple ҳам ишламоқда.
