WhatsApp’га узоқ кутилган функция жорий этилиб, у энг зўр мессенжерга айланяпти!

Интернет асрига келиб кишилар мобил алоқанинг ўзидан ҳам кўра, турли мессенжерлар ёрдамида ўзаро мулоқот қилишни афзал билишмоқда. Шулардан бири – WhatsApp иловаси дунёда энг кенг тарқалган мессенжерлар қаторига киради.

WhatsApp’нинг Android ҳамда iOS тизимлари учун ишлаб чиқилган иловаларида нафақат овозли сўзлашув, балки видеоқўнғироқ функцияси ҳам борлигини биласиз. Шунингдек, яқинда унда бир неча юзер иштирокидаги – гуруҳ тарзидаги аудио- ва видеоқўнғироқлар ҳам синовдан ўтказила бошлаган.

ЎҚИНГ: WhatsApp гуруҳли овозли ва видеосуҳбатларни синовдан ўтказмоқда

Куни кеча чиққан хабарга кўра, WhatsApp’да аллақачон гуруҳли видеоқўнғироқ функцияси ишга тушган. Бу янги функционал ҳар иккала мобил операцион тизимдаги мессенжер учун ҳам жорий этилмоқда. Маълум бўлишича, мазкур функция ёрдамида бир вақтнинг ўзида тўрт нафаргача WhatsApp фойдаланувчиси битта гуруҳга бирлашиб видеомулоқот қила оладилар.

Бироқ WhatsApp’даги янгиланишлар турли ҳудудлар ва операцион тизим талқинлари орасида босқичма-босқич жорий этилаётгани боис, Ўзбекистондаги юзерларга қачон навбат етиб келиши ҳозирча аниқ эмас. Вақти келганида, видеоқўнғироқ функциясига эга WhatsApp иловасини ўрнатиб (ёки янгилаб) олиш учун Apple гаджетлари соҳиблари мана бу, Android-девайслар эгалари эса мана бу ҳавола орқали ўтишлари мумкин.

ЎҚИНГ: Telegram ва WhatsApp’даги ўчирилган хабарларни ҳам ўқиш йўли топилди!