Windows созламаларига киришни чеклаб қўямиз

Кўпчилик бошловчи фойдаланувчилар компьютер операцион тизимининг созламаларини билиб-билмай ўзгартиришга ўч бўлишади. Кейин эса ўзлари шу сабабли келиб чиққан турли муаммолардан нолиб юришади.

Агарда сиз шунақа – кимларнингдир хатосини тўғирлайвериб чарчаган бўлсангиз, Windows устида тажрибалар ўтказишни буткул чеклаб қўйиш йўлини ўрганиб олганингиз маъқул.

Бунинг учун атиги беш дақиқа вақт ва қуйидаги йўриқномаларга амал қилиш талаб этилади.

1. Компьютерда Win+R тугмачаларни баравар босинг, экранда пайдо бўлган ойначада regedit буйруғини теринг ва «Enter» тугмасини босинг.

2. Очилган «Реестр муҳаррири» («Редактор реестра») ойнасида қуйидаги манзилга ўтинг:

Агарда сизнинг компьютерингиз реестрида бунақа бўлим мавжуд бўлмаса, уни шу манзилда ўзингиз яратинг.

3. Ўнг томондаги бўш жойда сичқончанинг ўнг тугмачасини босинг, очилган контекст менюда қуйидаги бандни босинг: «Создать» → «Параметр DWORD (32 бита)».

4. Янги параметрни NoControlPanel деб номлаб, «Enter» тугмасини босинг.

5. Шу ўзингиз яратган янги параметр устига сичқонча билан икки марта чертинг ва ундаги 0 белгисини 1 белгисига ўзгартиринг.

6. «Реестр муҳаррири»ни ёпиб, компьютерни ўчириб-ёқинг.

Шуларни амалга оширганингиздан сўнг, ҳеч бир фойдаланувчи энди операцион тизим созламаларини ва «Бошқарув панели» («Панель управления»)ни оча олмайди. Уларни очишга уринганида, экранда қуйидаги ёзув пайдо бўлади:

Яна шуни ҳам эслатиб ўтамизки, Windows 10’нинг охирги янгиланишида чет манбалардан дастурий таъминот ўрнатишни ҳам чеклаш имкони бор:

Бу опциядан фойдалансангиз, бошқалар компьютерга бирор бегона, текширилмаган дастур ўрната олишмайди. Шуни қўллагач, сўнг юқоридаги йўриқномага амал қилиш орқали операцион тизим созламаларига ва «Бошқарув панели»га киришни чекласангиз – янада яхши.

Ўйлаймизки, мазкур йўриқнома компьютерингиздаги операцион тизимнинг узоқ муддат ва барқарор ишлашини таъминлаб, сизнинг вақтингиз ҳамда асабингизни асрашга ёрдам беради.