Xiaomi «ақлли» будильник намойиш этди
«Хитойча Apple» янги электрон будильниги – Xiaomi Xiao AI Smart Alarm Clock’нинг илк суратини эълон қилди. Номидан англашилиб турганидек, унга компаниянинг «ақлли» виртуал ёрдамчиси – Xiao AI татбиқ этилган.
ЎҚИНГ: IFA 2018: «ақлли» будильник сизни ёқимли овоз, майин ёруғлик ва хушбўй ҳид билан уйғотади
Ушбу янги гаджет бугун – 19 сентябрда, компаниянинг Mi 8 Youth Edition ҳамда Mi 8 Screen Fingerprint Edition смартфонлари билан бирга расман тақдим этилади.
Xiaomi Xiao AI Smart Alarm Clock овоз билан бошқарилади – бунда компаниянинг ўз ишланмаси бўлган «сунъий идрок»ли Xiao AI ёрдамчисининг аҳамияти катта. Катта экранга, 30 турдаги динамик сигналга ҳам эга бўлишидан ташқари, унга икки мингта станцияни қўллаб-қувватловчи интернет-радио ҳам жорий этилган.
Қурилманинг ўлчамлари, аккумуляторининг сиғими ва автоном ишлаш вақти сингари бошқа хусусиятлари ҳам бугун маълум этилади, биздан узоқлашманг.
ЎҚИНГ: РАСМАН: Xiaomi 27 сентябрда бирданига бешта «ақлли» девайс тақдим этади!
