“Xiaomi’ча жанг”: Redmi S2, Redmi 5 Plus ва Redmi Note 5

Шуҳрат Сатторов
6858
26.05.2018 12:04

Xiaomi компанияси Redmi S2 моделини сотувга чиқариб, ҳамёнбоп смартфонлар бозоридаги ўрнини янада мустаҳкамлади. Компания бозорда яхши камерафонлар харидор диққатини тез тортишини билиб олган чоғи, у ўрта нарх эвазига яхши сурат олувчи бир нечта мобил алоқа воситаларини ишлаб чиқармоқда. Бу нарх эвазига уларнинг муносиб рақибларини топиш қийин.

Харидор учун жозибадор нархли яхши смартфонлар орасида компаниянинг ўзининг моделлари ҳам бир-бирлари билан рақобат қиладилар. Мисол учун, яқинда тақдим қилинган Xiaomi Redmi S2 модели жиҳатларига кўра Xiaomi Redmi 5 Plus ҳамда Redmi Note 5 (Хитой) моделлари ўртасида туради. Айрим ўзига хосликлари билан Redmi 5 Plus модели билан ҳам тенглашади. $200 долларгача бўлган смартфонлар орасида Xiaomi Redmi S2, Redmi 5 Plus ҳамда Redmi Note 5 моделларидан яхши гаджетларни топиш -- имконсиз.

Қуйида сизга Xiaomi Redmi S2, Xiaomi Redmi 5 Plus ҳамда Xiaomi Redmi Note 5 жиҳатларини таққослаган ҳолда ўрганиш имконини берамиз.

	Xiaomi Redmi S2	Xiaomi Redmi 5 Plus	Xiaomi Redmi Note 5
Ўлчамлари ҳамда вазни	160.7 x 77.3 x 8.1 мм, 170 грамм	158.5 x 75.5 x 8.1 мм, 180 грамм	158.6 x 75.4 x 8.1 мм, 181 грамм
Экран	5.99 дюймли, 720 x 1440p (HD+), ҳар дюймдаги пиксел - 269 ppi, экран нисбати 18:9, IPS LCD матрица	5.99 дюймли , 1080 x 2160p (Full HD+), ҳар дюймдаги пиксел - 403 ppi, экран нисбати 18:9, IPS LCD матрица	5.99 дюймли , 1080 x 2160 pixels, ҳар дюймдаги пиксел - 403 ppi, экран нисбати 18:9, IPS LCD матрица
Процессор	Qualcomm Snapdragon 625, саккиз ядроли, 2.0 Ггц частота тезлиги	Qualcomm Snapdragon 625, 8 ядроли, 2 Ггц частота тезлиги	Qualcomm Snapdragon 636, саккиз ядроли 1.8 Ггц частота тезлиги
Хотира	3 ГБ тезкор ва 32 ГБ доимий ёки 4 ГБ тезкор ва 64 ГБ доимий, micro SD бўлмачаси.	3 ГБ тезкор ва 32 Гб доимий ёки 4 ГБ тезкор ва 64 ГБ доимий, шунингдек micro SD бўлмачаси.	4 ГБ тезкор ва 64 ГБ доимий ёки 6 ГБ тезкор ҳамда 64 ГБ доимий, шунингдек micro SD бўлмачаси.
Операцион тизим	Android 8.1 Oreo, MIUI 9.5	Android 7.1.2 Nougat, MIUI 9.5	Android 7.1.2 Nougat, MIUI 9
Алоқа имкониятлари	Wi-Fi 802.11 b/g/n, Bluetooth 4.2, GPS	Wi-Fi 802.11 a/b/g/n, Bluetooth 4.2, GPS	Wi-Fi 802.11 a/b/g/n/ac, Bluetooth 5.0, GPS
Камера	Қўш объективли: 12 + 5 MP f/2.2 16 MP селфи камера	Бир объективли: 12 MP f/2.2 5 MP селфи камера	Бир объективли: 12 MP f/2.2 5 MP f/2.0 селфи камера
Аккумулятор	3080 мА соат 5V / 2A кучланишда тезкор қувват олиш	4000 мА соат 5V / 2A кучланишда тезкор қувват олиш	4000 мА соат , Quick Charge 2.0 тезкор қувватлаш технологияси
Қўшимча жиҳатлар	Қўш SIM карта бўлмачаси	Гибрид қўш SIM карта бўлмачаси, яъни биттасини хотирага алмаштириш мумкин.	Гибрид қўш SIM карта бўлмачаси, яъни биттасини хотирага алмаштириш мумкин.

Xiaomi Redmi Note 5 (халқаро бозорда Redmi 5 Pro номи билан машҳур) модели Xiaomi Redmi S2 ва Xiaomi Redmi 5 Plus билан солиштириб кўрганда, бир қадам олдинда. Xiaomi Redmi Note 5 моделининг процессори кучлироқ экани эвазига бу смартфоннинг ишлаши нисбатан тезкор ва бир текис.

Шу билан бирга, Xiaomi Redmi Note 5 моделида 6 гигабайтли тезкор хотира ўрнатилган ҳамда унинг рақибларининг тезкор хотираси 2 гигабайт кичикроқ. Аслида 4 гигабайтли тезкор хотира ҳам бугунги фойдаланувчи учун етиб ортади.

Xiaomi Redmi Note 5 моделига ўрнатилган камера (12 Мп (f/2.2) LED фоточақноқ ва фазали автофокус) ҳам Redmi S2 ҳамда 5 Plus моделлари билан таққослаганда, бирмунча яхши. Шунингдек, Xiaomi Redmi Note 5 "қувват тоши" ҳам узоққа етади. 4,000 мА соат ток сиғимига эга аккумуляторни иккинчи авлод қувватлаш технологияси билан тезкор қувватлаш мумкин.

Redmi Note 5 нархи маъқул бўлмаган тақдирда, Redmi S2 ҳамда Redmi 5 Plus моделлари ҳам айни муддао.

Улар ўртасидаги фарқни камера ҳам аккумулятор имкониятларида кўриш мумкин. Redmi S2 камераси (сунъий ақл технологиясига эга) анча илғор. Камера масаласида 12+5 мегапикселли технологик ечим татбиқ қилинган. Олд панелда эса 16 мегапикселли камера мавжуд.

Xiaomi Redmi 5 Plus эса ундан аккумуляторининг 4000 мА соат экани билан устун.

Қолаверса, экран сифати борасида Xiaomi Redmi 5 Plus модели ғолиб келади.

Шу билан бирга, Xiaomi Redmi S2 доимий хотирасини microSD картаси ёрдамида 128 гигабайтга катталаштириш ҳам мумкин. Бунинг учун сим-карта бўлмачалардан бирини "фидо қилиш" шарт эмас. Бироқ, Xiaomi Redmi 5 Plus моделида бўлмачалар гибрид, яъни икки сим-карта ёки битта хотира картаси ва битта сим-карта.

Қуйида "Малика"да мазкур рақиблар неча пулдан сотилаётганини эслатиб ўтамиз:

Xiaomi Redmi S2: 1 558 000 сўмдан бошлаб;
Xiaomi Redmi 5 Plus: 1 250 000 сўмдан бошлаб;
Xiaomi Redmi Note 5: 1 600 000 сўмдан бошлаб сотилмоқда.

Албатта, нарх ҳар жойда турлича бўлиши мумкин.

Xiaomi Redmi S2 ва Xiaomi Redmi 5 Plus биргаликда Xiaomi Redmi Note 5 моделига қарши: кучли ва камчилик жиҳатлари

Xiaomi Redmi S2

Кучли жиҳатлари:

Камераси жуда илғор
Нархи эса арзон
micro SD бўлмачаси алоҳида
Қадоқдаёқ Oreo тизимида ишлайди

Камчилиги:

HD сиғимлит дисплей

Xiaomi Redmi 5 Plus

Кучли жиҳатлари:
Аккумулятори узоққа етади
Дисплей кенг ҳамда сиғимдор
Нархи эса ҳаммабоп

Камчилиги:
Камераси ўзига яраша

Xiaomi Redmi Note 5

Кучли жиҳатлари:
Экран намойиши юқори
Камераси ҳам ёмон эмас
Аккумулятори ҳам яхши