Xiaomi Mi 6 кучли камерага эгалигини исботлайдиган суратлар

Xiaomi Mi 6 кучли камерага эгалигини исботлайдиган суратлар

Бош камераси қўш модулли суратга олиш тизимига эга Xiaomi Mi 6 камерасида сўнгги фотография технологиялари жорий қилинган. Унинг Осиё смартфон бозорида жадал оммалашуви тахмин қилинмоқда. Бу флагман брендга смартфон бозоридаги OPPO’нинг “Selfie Experts” ва Vivo’нинг “Camera Phone” каби кучли камера технологияси жорий қилинган смартфонларига қарши рақобатга дош беришини таъминлайди.

Mi 6’нинг камера тизими қисман iPhone 7 Plus каби: телеобъектив ва телефото модулларидан иборат. У 12 мегапикселли кенг бурчак остида суратга олувчи телеобъектив сенсори ва яна бир 12 мегапикселли, 2 каррали зумга эга телефото сенсор билан “қуроллантирилган”.

12 мегапикселли кенг бурчак остида суратга олувчи сенсорнинг оптик апертура ҳажми f/1.8 стандартида бўлиб, Sony IMX386 моделидаги бу сенсор манзарани 1.25 микрон пикселда муҳрлайди. Шунингдек, сенсорда 4 ўқли оптик барқарорлаштириш технологияси жорий қилинган.

Суратни 4 ўқли асосда оптик барқарорлаштириш нима дегани?
Бу технология қўлларнинг титраши оқибатида юзага келадиган хираликларнинг олдини олади. Бу технологияда смартфон камераси гироскоп ва акселерометр датчиклари ёрдамида юзага келаётган титроқларни аниқлайди ва камеранинг қай ҳолатда турганига қараб, унинг линзасидаги кичик махсус двигателни созлайди. Натижада, ҳатто ёруғлик паст шароитда ҳам барқарор ва тиниқ сурат олиш имкони пайдо бўлади.

12 мегапикселли телефото эса f/2.6 ((52 мм.ли камера туйнуги) ҳажмидаги апертурага эга. Samsung’нинг S5K3M3 ISOCELL моделидаги бу сенсор тасвирни 1.0 микрон пикселда муҳрлайди. Mi 6’нинг олд камерасида 8 мегапикселли Sony IMX268 сенсори ўрнатилган. Бу камера сифатли ва ёрқин суратга олади.

Қуйида Xiaomi Mi 6 камераларида олинган суратлардан намуналарни эътиборингизга ҳавола қиламиз. Илк 3 суратда 2 карралик яқинлаштириш функциясидан ҳам фойдаланилган.

Xiaomi Mi 6 dual camera

Xiaomi Mi 6 dual camera

Xiaomi Mi 6 dual camera

Xiaomi Mi 6 dual camera

Xiaomi Mi 6 dual camera

Xiaomi Mi 6 dual camera

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Ёруғлик паст шароитда олинган суратлар.

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Xiaomi Mi 6 camera sample

Mi 6 смартфони 5,15 дюймли Full HD (1080p) экран, илғор Snapdragon 835 чипсети, Adreno 540 видеокартаси, 6 ГБ оператив хотира, 64 ёки 128 ГБ доимий ички хотира, 3,350 мА соат сиғимли аккумулятор билан таъминланган. Флагман Android 7.1.1 Nougat’нинг ўзлаштирилган MIUI 8.0 талқинида фаолият кўрсатади. Смартфон корпуси шиша ва пўлат уйғунлигида тайёрланган, нам ва чанг таъсиридан ҳимояланган.
28 апрел куни Mi 6’нинг доимий хотираси 64 ГБ бўлган талқини $360, доимий хотираси 128 ГБ бўлган версияси $420 АҚШ долларидан сотувга чиқиб, сониялар ичида тамом бўлган эди.