Xiaomi Mi 8 қадоғининг «жонли» сурати барча шубҳаларга чек қўйди

  •   DiMaX
  •  1495
  •  18.05.2018 08:18

Xiaomi Mi 8 қадоғининг «жонли» сурати барча шубҳаларга чек қўйди

Анчадан бери кўпчиликнинг диққат марказида бўлиб келаётган Xiaomi Mi 7 флагмани ҳануз расман тақдим этилмаётганидан хабарингиз бор. Бунинг сабабларидан бири – ушбу смартфон компаниянинг саккиз йиллиги шарафига Mi 8 деб номланаётгани ҳақидаги маълумотлар эса яқиндагина чиқа бошлади.

ЎҚИНГ: Кутилмаган хабар: Xiaomi’нинг янги флагмани Mi 7 эмас, Mi 8 бўлар экан!

Бу масала юзасидан ҳам иккиланишлар бўлаётганди, аммо навбатдаги флагман компаниянинг 8 йиллигига бағишланаётганини 16 май куни Xiaomi’нинг ўзи ҳам эълон қилди. Куни кеча – 17 май куни инсайдерлар Weibo ижтимоий тармоғига чиқарган фотосурат эса смартфоннинг номланиши борасидаги саволларга узил-кесил нуқта қўйди.

Бу расмда Xiaomi Mi 8 смартфонининг қутиси акс эттирилган бўлиб, унинг қопқоғи устига йирик қилиб 8 рақами ёзилган. Қадоқнинг ўзи қоп-қора, ёзувлари эса оқ рангда. Қути қопқоғининг юқори ўнг бурчагига анъанавий тарзда фирма логотипи туширилган, ён томонидаги ёзувни эса ўқиб бўлмаяпти.

Ушбу суратдаги қути айнан Mi 8 смартфонининг қадоғи эканини тасдиқловчи яна битта омил – орқа фонда акс этган картон яшик ҳам эътиборга лойиқ. Бу – ҳамиша Xiaomi смартфонларини ташишда қўлланувчи оригинал транспортировка яшиги бўлиб, унинг устига тегишли ёзувларга эга стикерлар ёпиштирилган ва бир неча жойига компания логотипи туширилган. Бунақа яшик ичига бир неча ўн қути смартфон жойланади, у ташув жараёнида гаджетларни шикастланишдан сақлайди.

Хуллас, ушбу қадоқнинг ва смартфон қутисининг оригинал эканлигини шулар ҳам исботламоқда. Афтидан, Xiaomi ходимларидан кимдир Mi 8 флагманининг транспортировка яшигини очган, аммо смартфон қадоғини очишга журъат этмаган кўринади. Яна ким билади, балки ўшанда у қутини очиб, смартфоннинг тўлиқ жамланмасини ҳам суратга олгандир ва бу расмларни кейинроқ тарқатмоқчидир. Агар шундай бўлса, бу борадаги янгиликлардан биринчилар қаторида баҳраманд бўлиш учун биздан узоқлашманг.

Дарвоқе, худди iPhone X суперфлагманидаги Face ID тизимининг ҳақиқий рақиби сифатидаги тўлақонли юз сканерига эга бўлган Xiaomi Mi 8 хусусиятлари ҳақида олдинги хабар ва мақолаларимизда етарлича маълумотлар берганмиз.

ЎҚИНГ: РАСМАН: Xiaomi компанияси 3D Face сканерига эга Mi 8 флагманининг тақдимот кунини маълум қилди

Сайтимизнинг энг чиройли расмларини Инстаграмдаги саҳифамизда томоша қилинг!