Xiaomi Mi Mix дўконларда 75 долларга арзонлашди

Xiaomi Mi Mix дўконларда 75 долларга арзонлашди

Одатда смартфон ишлаб чиқарувчилари янги моделдаги смартфон тақдимотидан аввал эски моделнинг нархини туширадилар. Xiaomi ҳам қимматбаҳо смартфонларидан бўлган Mi Mix флагманини арзонлаштирди. Бу эса Mi Mix 2 намойишига оз қолганининг белгиси.

Xiaomi'нинг расмий дўконларида Mi Mix'нинг 6 гигабайтли тезкор ва 256 ГБ доимий хотира талқини 75 АҚШ долларига арзонлашди. Аниқроғи, $599 доллардан сотилаётган девайснинг ҳозирги нархи $524 доллар. Шунингдек, унинг 4 + 128 ГБ талқини $524 доллардан $479 долларга арзонлашди. Ҳамма ишлаб чиқарувчилар ҳам флагманларини бирданига шу қадар арзонлаштиришга журъат қила олишмайди.

Xiaomi йил ойларининг 16-саналарида одатда катта чегирмалар эълон қилиб туради. Жумладан июнда ўтказилган 6.16 акциясида ҳам смартфонлар анча арзонга сотилган эди. Бу каби акциянинг 16 августда ҳам ўтказилиши режа қилинмоқда.

Сайт янгиликларидан доимий хабардор бўлиш учун Телеграм каналимизга қўшилинг!

Шуҳрат Сатторов

Журналист ва таржимон, 2012 йилдан ахборот технологиялари соҳасида фаолият юритиб келмоқда. Мобиль технологиялар, коммуникация, "электрон ҳукумат" тизими йўналишларида илмий изланиш олиб боради.