Xiaomi Mi TV 3S телевизорларини уч хил версияда сотувга чиқаради

Бугун ўтказилган тақдимот доирасида Хитойнинг Xiaomi компанияси Xiaomi Mi TV 3S номли 4К – телеdизорларни ҳам намойиш қилди. Телевизорлар уч хил версияда: Home Theater уй кинотеатри ($900), Mi TV 3S Standart Edition версияси ($700) ва базавий модификациядаги Mi TV ($529) сотувга чиқарилади. Xiaomi Mi TV 3S телевизорлари текис экран ва янги альюминий корпусга эга бўлган. Сериядаги энг юпқа телевизорнинг қалинлиги 9,9 миллиметрни ташкил қилади.

fСериядаги Home Theater версиясига Samsung томонидан тайёрланган 65 дюймли 4К экран, акустика тизими ва 2,25 дюймли динамиклар ўрнатилган.

Xiaomi Mi TV 3S Standart Edition ҳам Samsung томонидан тайёрланган 65 дюймли 4К экран, HDR функцияси ва DTS кодлаш тизими билан таъминланган.

Базавий модификация борасида ҳозирча етарли тафсилотлар мавжуд эмас. Ҳозирча унинг 55 дюймли экранга эгалиги ҳақида хабар берилган.