Xiaomi ниҳоят Mi 7 тақдимот санасини айтди!
Яқиндагина ўйинбоп Black Shark смартфонини намойиш этган Xiaomi компанияси энди навбатдаги – Mi 7 флагманини тайёрламоқда. Унинг хусусиятлари ҳақида интернетда бир қатор маълумотлар ва гаджетнинг рендер суратлари тарқалган.
ЎҚИНГ: Xiaomi Mi 7: яширадиган сирнинг ўзи қолмади
Яқиндагина ушбу смартфон жорий йилнинг учинчи чорагида тақдим этилишини айтишган эди. Аммо бугун Хитой интернет нашрлари тарқатган реклама постерига қараганда, Xiaomi Mi 7 флагманининг намойиш санаси жуда яқин кўринади.
Мана шу постерга кўра, мазкур смартфон 23 май куниёқ тақдим қилинади. Тўғри, ҳозирча бу маълумотни Xiaomi расман тасдиқлагани йўқ. Бироқ корпорациянинг олдинги флагмани – Xiaomi Mi 6 модели 2017 йил апрелнинг ўртасида намойиш этилганини ҳисобга олсак, юқоридаги маълумот тўғри бўлиб чиқиши ҳам мумкин.
Умид қиламизки, ушбу смартфон Xiaomi’ни яқинда тақдим этилган геймерофон каби уялтириб қўймайди.
ЎҚИНГ: Энг зўр Xiaomi смартфонида оммавий нуқсонлар чиқа бошлади