Xiaomi ўз смартфонлари учун MIUI 10 талқинининг тақдимот санасини айтди
Хитойлик ушбу корпорациянинг аксарият смартфонлари учун Android операцион тизимининг MIUI график қобиғи тўққизинчи версияда тақдим этилган. Бироқ Xiaomi аллақачон унинг ўнинчи талқинини тайёрлаган ва қисман кўрсатган ҳам.
ЎҚИНГ: Xiaomi MIUI 10’ни расман намойиш этди
Энди барча фойдаланувчилар ва мобил дастурчилар MIUI 10’нинг тўлақонли расмий намойишини кутишмоқда. Бир неча дақиқалар аввал Xiaomi унинг тақдимот санасини маълум қилди.
Weibo ижтимоий тармоғидаги ўзининг расмий аккаунти орқали хабар беришича, «хитойча Apple» ўз мобил қурилмалари учун MIUI 10 прошивка талқинини 31 май санасида тақдим этмоқчи.
Айтиш керакки, бу намойиш Шеньчжень шаҳрида ташкиллаштириладиган матбуот анжумани доирасида бўлиб ўтади. Ушбу тадбирда Xiaomi яна биратўла иккита – Mi 7 ва Mi 8 русумли флагман смартфонларини, шунингдек, Mi Band 3 смарт-билагузугини ҳам тақдим этиши режалаштирилган.
Таъкидлаш керакки, кейинги 4 йил ичида тақдим этилган барча Xiaomi смартфонлари учун MIUI 10 прошивкаси тарқатилади. Фақат телефоннинг моделига боғлиқ ҳолда, улар учун тақдим этилувчи MIUI 10 прошивкалари турли талқиндаги Android операцион тизимларига асосланган бўлади.
Шундан келиб чиққан ҳолда, ҳар бир моделдаги смартфон учун тақдим этиладиган MIUI 10 имкониятлари ва функциялари ҳам унинг «ўзаги»ни ташкил этувчи Android талқинига боғлиқ бўлади. Шунингдек, янги дастурий таъминотда асосий эътибор «сунъий онг» имкониятларига қаратилиши кутилмоқда.
MIUI 10 талқинигача янгиланадиган Xiaomi смартфонлари ва планшетлари рўйхатини мана бу ерда тақдим этганмиз. Қуйидаги хабаримиз орқали эса ушбу прошивканинг интерфейси ҳамда айрим хусусиятларини «жонли» видео ва суратларда томоша қилишингиз мумкин.
ЎҚИНГ: Xiaomi смартфонлари учун қойилмақом MIUI 10 деярли тайёр! («жонли» видео)