Xiaomi Redmi 5 моделлари интернет дўконида пайдо бўлди

Xiaomi Redmi 5 моделлари интернет дўконида пайдо бўлди

Куни кеча JD.com онлайн-дўкони расмий веб-сайтидаги гаджетлар қаторига Xiaomi'нинг Redmi Note 5, Redmi 5 ва Redmi 5 Plus смартфонларини қўшиб қўйди.

Бу эса томонлари нисбати 18:9 стандартида бўлган бу "ақлли телефон"ларнинг тақдимоти тез орада бўлишидан дарак беради. Шунингдек, смартфонларнинг бир қатор, жумладан Россия ҳудудига олиб келингани ҳам бу фикрни исботлайди.

Redmi Note 5, Redmi 5 ва Redmi 5 Plus орасида энг қизиқарлиси Redmi 5 Plus ҳисобланади. Ундаги 5,99 дюймли, IPS-экраннинг пикселлар сиғими 2160 га 1080 та белгига тенг (FHD+). Шунингдек, смартфон 8 ядроли ва 2,0 ГГц частота тезлигига эга Qualcomm Snapdragon 660 процессорида фаолият кўрсатади.

Унинг батареясининг сиғими 4000 мА соат ҳамда аккумулятор Quick Charge 3.0 технологияси асосида тезкор қувват олади. Смартфон 3/4 ГБ тезкор ҳамда 32/64 ГБ доимий хотира билан таъминланади. Бош камера 12 Мп (қўш), олд камера 5 Мп аниқлигидаги сенсорларга эга бўлган.

Бир нечта инсайдерларга кўра, Xiaomi Redmi 5 Plus 2 карралик яқинлаштириб ва орқа фони ғира-шира қилиб портрет олишга уста бўлади.

Энг муҳим жиҳати мана шундай хусусиятларга эга гаджетнинг нархи $300 доллардан ошмайди.

Сайтимизнинг энг чиройли расмларини Инстаграмдаги саҳифамизда томоша қилинг!

Шуҳрат Сатторов

Журналист ва таржимон, 2012 йилдан ахборот технологиялари соҳасида фаолият юритиб келмоқда. Мобиль технологиялар, коммуникация, "электрон ҳукумат" тизими йўналишларида илмий изланиш олиб боради.