Xiaomi ромсиз смартфонлари iPhone X’даги «фишка»ни ўзлаштирмоқда

  •   DiMaX
  •  1365
  •  29.12.2017 20:01

Xiaomi ромсиз смартфонлари iPhone X’даги «фишка»ни ўзлаштирмоқда

Хитойнинг етакчи смартфонсозларидан бўлмиш Xiaomi компанияси ўзининг тўлиқ экранли мобил қурилмаларига жорий этиладиган янги бир функцияни синовдан ўтказаётганлигини маълум қилди. Бу хусусда PhoneArena нашри хабар бермоқда.

ЎҚИНГ: Xiaomi смартфонларида MIUI 9’нинг ажойиб функциясини фаоллаштирамиз (+видео)

Хабарга кўра, MIUI 9 прошивкасининг ишлаб чиқувчилар жамоаси сўнгги бета-версияда ромсиз смартфонларда бир нечта ишораларни жорий этишган. Булар компаниянинг катта дисплейга эга қурилмаларида бошқарувни қулайлаштириш учун хизмат қилади.

Қизиғи – дисплей юзасида бажариладиган мазкур ишоралар купертинолик гигантнинг iPhone X суперфлагмани учун ишлаб чиқилган iOS 11 тизим талқинидаги ишораларга жуда-жуда ўхшашдир. Нима ҳам дердик, Xiaomi шундоқ ҳам «хитойча Apple» номи билан танилган-ку.

ЎҚИНГ: Samsung, Apple, Xiaomi ва Huawei ҳар бир смартфондан қанча соф даромад кўради?

Хуллас, Xiaomi Mi Mix, Mi Mix 2, Redmi 5 ҳамда Redmi 5 Plus смартфонлари учун ишлаб чиқилган MIUI 9 операцион тизимининг сўнгги бета-талқинида экранни силаш билан боғлиқ қуйидаги учта ишора муайян функцияларни бажаради:

  1. Экраннинг пастки қисмидан тепага силаш – бош экранга қайтиш функцияси учун қўлланади.
  2. Экраннинг пастки қисмидан тепага силаб бориб, ўртасида бироз ушлаб туриш – ишга туширилган иловалар рўйхатини чиқариб беради.
  3. Экраннинг чап чеккасидан ўнгга қараб силаш – олдинги ойнага қайтиш вазифаси учун жорий этилмоқда.

Ушбу экран ишоралари Xiaomi’нинг бошқа қурилмалари учун ҳам жорий этилиши ҳақида ҳозирча маълумот йўқ.

ЎҚИНГ: Илғор MIUI 9'да ишлайдиган 27 та "Xiaomi" бир рўйхатда

Хабарларни тез ва осон ўқиш учун Андроид иловамизни сақлаб олинг.