Xiaomi смартфонларига янги MIUI 9 чиқди, ўзгаришлар билан танишинг!

  •   DiMaX
  •  1902
  •  09.01.2018 11:51

Xiaomi смартфонларига янги MIUI 9 чиқди, ўзгаришлар билан танишинг!

Хитойнинг Xiaomi корпорацияси нафақат турли моделлардаги мобил қурилмаларни чиқариб боради, балки уларнинг дастурий таъминоти устида ҳам мунтазам ишлайди. Жумладан, Android операцион тизимига асосланган ҳолда компания дастурчилари томонидан ишлаб чиқилган MIUI қобиғи ҳамиша такомиллаштириб борилади. Жумладан, 2017 йилнинг сўнгида тақдим этилган якуний MIUI 9 прошивкаси Xiaomi’нинг барча смартфонлари ишлаш тезлигини 20 фоизга оширган.

ЎҚИНГ: Илғор MIUI 9'да ишлайдиган 27 та "Xiaomi" бир рўйхатда

Бугун – 2018 йилнинг 9 январида компания ўз прошивкасининг янги – MIUI 9 (8.1.4) талқинини тақдим этди. Уни аллақачон Xiaomi’нинг бир нечта моделлардаги смартфонларига юклаб олиб ўрнатиш мумкин.

Аниқроқ қилиб айтганда, ҳозирда Хитой ҳудудидаги, ёки маҳаллий бозор учун ишлаб чиқарилган Xiaomi смартфонларининг прошивкасини MIUI 9 (8.1.4) талқинигача янгилаш мумкин. Ўзбекистонда айнан шундай телефонлар ҳам савдода ҳамда кўплаб фойдаланувчиларда мавжуд. Яқин орада эса Xiaomi’нинг глобал прошивкали смартфонлари учун ҳам мазкур янгиланиш жорий этилади. Ўшанда Ўзбекистондаги «хитойча Apple» смартфонларини ҳам шу версиягача янгилаб, рўйхатда кўрсатилган ўзгаришлардан баҳраманд бўлиш имкони туғилади.

ЎҚИНГ: Cмартфон тақдим этишда Xiaomi чемпион! 13 модел ва нархлар билан танишинг!

Хуллас, MIUI 9 (8.1.4) прошивкаси билан Xiaomi смартфонларига татбиқ этиладиган ўзгаришлар қуйидагилардир:

  • Қисқа метражли видеороликлар учун янгича фильтр (Mi MIX 2, Mi 6, Mi Note 3);
  • Фотосуратларни «танланганлар»га қўшиш янги функцияси;
  • Веб-браузернинг манзил қаторида автоматик тўлдириш функцияси;
  • Браузерда янгича пастки меню;
  • Хабарларда сатрларнинг чап чеккага тиркаб ёзилишидаги нотўғриликлар тузатилган;
  • «Проводник»даги нотўғри номланиш – «Копировать» энди тўғрисига – «Переместить»га алмаштирилган;
  • Уй экранларининг ишлаш тезлиги оширилган;
  • Янгиланишлар ҳақида хабар бериш функцияси фойдаланувчи томонидан узиб қўйилган ҳолларда автоматик янгиланиш иши тўғриланган;
  • Баъзида тизим дастурларининг жавоб бермай қолишига сабаб бўлган муаммо бартараф этилган;
  • Тезкор жавоблардан фойдаланишда клавиатуранинг экрандаги тугмачалар устига чиқиб кетишига сабаб бўлган хатолик тузатилган;
  • Барча интерфейсларнинг умумий акс эттирилиши яхшиланган.

Демак, Хитой бозори учун ишлаб чиқарилган Xiaomi смартфонлари эгалари шу яқин кунлар ичида ўз қурилмасининг операцион тизимини MIUI 9 (8.1.4) прошивкасигача янгилашлари мумкин. Бунинг учун «Созламалар» – «Настройки» иловасини очиб, смартфон ҳақидаги маълумотлар акс эттирилган «О телефоне» бўлимига ўтиш ва «Обновление ПО» – дастурий таъминотни янгилаш тугмачасини босиш лозим.

Xiaomi’нинг барча смартфонларига тўлақонли халқаро MIUI 9 (8.1.4) прошивкаси январнинг сўнгигача тақдим этилиши кутилмоқда.

ЎҚИНГ: Xiaomi смартфонлари бунчалик оммабоплигининг 5 сабаби

Сайт янгиликларидан доимий хабардор бўлиш учун Телеграм каналимизга қўшилинг!