Хушхабар: UMS энди бирданига учта янги тариф режасини ишга туширди!

  •   DiMaX
  •  5789
  •  23.03.2018 18:54

Хушхабар: UMS энди бирданига учта янги тариф режасини ишга туширди!

Бу йилнинг баҳори Ўзбекистондаги уяли алоқа операторларининг янгиликларига бой бўлмоқда. Жумладан, март ойининг ўзида олтита янги тариф режасини тақдим этган Universal Mobile Systems (UMS) компанияси яна бир хушхабарни эълон қилди.

ЎҚИНГ: UMS’дан яна хушхабар: навбатдаги янги тариф жуфтлиги!

Хулласи калом, мазкур оператор бу гал бирданига нақ учта – «Премиал», «Идеал» ва «VIP» деб номланган янги тариф режаларини ишга туширди. Агар кунлик вазифаларни бажаришда мобил телефонингиз яқин кўмакчингиз бўлса, кўп қўнғироқ қилсангиз ва Интернетдан фаол фойдалансангиз, ушбу тариф режалари айнан сиз учун, дейилади UMS компаниясининг Facebook-саҳифасидаги эълонида.

Хабарга кўра, «Премиал» тариф режасида абонентга ойига 1000 дақиқа, 3000 МБ трафик ва 1000 SMS-хабар берилади. Ушбу 1000 дақиқа тугаганидан кейин ҳам тармоқ ичида суҳбатлар мутлақо бепул бўлиб қолади! Буларнинг барчаси 63 000 сўмлик ойлик абонент тўлови эвазига тақдим этилади.

ЎҚИНГ: Мобил операторларимизнинг ижтимоий тармоқлардаги кўрсаткичлари қанақа?

«Идеал» тариф режаси эса 2000 дақиқа, 4000 мегабайт ва 2000 SMS’ни ўз ичига олган. Ушбу тарифда тармоқ ичидаги қўнғироқлар бепул бўлиб, улар 2000 дақиқалик лимитдан сарфланмайди! Ушбу тариф режасида ойлик абонент тўлови 105 000 сўмга тенг.

«VIP» тариф режаси – бу Ўзбекистон бўйича чексиз қўнғироқлар, 5000 МБ ва 500 SMS-хабар демакдир. Шунга яраша унинг ойлик абонент тўлови ҳам 147 000 сўмни ташкил этади. Янги абонентлар ушбу тарифга уланаётганда Steel ёки Bronze тоифасидаги чиройли рақамни бепул улашлари мумкин!

Тарифларнинг шартлари ва уларга тегишли бошқа маълумотлар билан Universal Mobile Systems компаниясининг расмий сайтида батафсил танишиш мумкин.

ЎҚИНГ: Мобил операторлар биздан нимани яширмоқда?

Сайт янгиликларидан доимий хабардор бўлиш учун Телеграм каналимизга қўшилинг!