Янги iPhone SE кейинги ҳафтадаёқ чиқиши мумкин!

Хабарингиз бор – Apple корпорацияси шу йилнинг 27 март санасига тақдимот маросими белгилаган. Компания бу тадбирини кўпроқ ўқитувчи ва талабаларга мўлжаллаганлиги айтилаётир.

ЎҚИНГ: Apple янги iPhone'нинг тақдимот кунини эълон қилди

Forbes нашрининг ўз манбаларига ҳамда таҳлилчилар фикрларига таяниб ёзишича, купертинолик гигант ушбу маросимда иккинчи авлод iPhone SE смартфонини намойиш этиши мумкин.

ЎҚИНГ: iPhone SE 2 «жонли» видеода кўрсатилди: фейкми ёки ҳақиқий?

Янги iPhone SE чиқишига гувоҳлик берувчи омиллардан бири – кейинги пайтларда шу модел ҳақида кўплаб маълумотлар «сизиб» чиқаётганлигидир, дейишмоқда мутахассислар. Бундан ташқари, мазкур ихчам айфоннинг биринчи авлоди ҳам айнан март ойида тақдим этилган. Дарвоқе, ўшанда – сал олдин тақдим этилган iPhone 6s ҳамда iPhone 6s Plus яхши сотилмагач, айни шу iPhone SE қурилмаси Apple’га яна савдо статистикасини ростлаб олишга ёрдам берганди.

Журналистларнинг ёзишларича, ихчам айфоннинг иккинчи авлоди iPhone X SE деб номланади. Шу пайтгача турли хабарларда уни iPhone SE 2, iPhone SE 2 (2018) каби номлар билан ҳам атаб келишаётир. Аммо девайснинг кўриниши ҳозирча сир тутилмоқда, интернетда унинг фақат рендер суратлари, дизайнерлик концептларигина тарқалган.

ЎҚИНГ: 27 мартдаёқ тақдим этиладиган iPhone SE 2’ни сифатли суратларда кўрамиз!

Тахминларга кўра, ушбу моделда Face ID қиёфа сканери ҳамда симсиз қувватлаш технологиялари жорий этилади. Шунингдек, юбилей айфони бошлаб берган ва бошқа смартфонсозлар эргашган «кемтик»ли экран дизайни бу гаджетга ҳам татбиқ этилиши кутилмоқда.

Нима бўлганда ҳам, тақдимот маросимига саноқли кунлар қолди ва тез орада ҳаммаси ойдинлашади. Тўғри, таълимга бағишланган тадбирда янги iPhone тақдим этилишига ишониш бирмунча қийинроқ. Лекин Apple’дан ҳар нарса кутса бўлади...

ЎҚИНГ: Apple кутилмаганда iPhone 8 Plus ишлаб чиқарилишини тўхтатди