Янгиланган MacBook, iMac ва iPad Pro таъмирга ярамас экан!
Машҳур iFixit веб-ресурси ходимларининг маълум қилишларича, Apple’нинг янги девайсларини таъмирлаб бўлмас экан. Бу тўғрида Gagadget сайти хабар бермоқда.
Сабаби нимада?
Бунинг сабаби – албатта, баҳсли масала, аммо iFixit мутахассисларига кўра, мазкур гаджетларнинг таъмирга ярамаслигининг асосий сабаби мавжуд. Яъни, бу қурилмалардаги ички қисмларнинг асосий конструкция билан бирга кавшарлаб ишлаб чиқарилганлиги боис, уларни таъмирлаб бўлмайди.
Шунингдек, Retina дисплейининг олд панелга уланиб бириктирилганлиги ҳам катта муаммодир. Чунки дисплейи ёки панели синган ёхуд шикастланган тақдирда уларнинг иккаловини ҳам алмаштириш ё бўлмаса алмаштириш керак бўлади.
Баҳосини олди
Умуман олганда, iFixit мутахассислари Apple’нинг 2017 йилги гаджетларини таъмирга яроқлилик бўйича 10 баллик шкала асосида баҳолашди. Унда янги MacBook 1 балл, iMac 3 балл, iPad Pro эса 2 балл натижага баҳоланган.
Бундай кўрсаткичлар ушбу сериядаги девайслар учун стандарт ҳисобланади. Шундай экан, агар қурилма бузилиб қолса, уни таъмирлатиш учун фақатгина Apple сервис марказига олиб бориш мумкин.
