Замонавий смартфонларда сурат олиш технологияси

Замонавий смартфонларда сурат олиш технологияси

Смартфон камераси учун мегапиксель муҳимми ёки объективлар соними? Суратга олишда энг яхши смарфтон қайси? Қуйида шу ҳақида фикр юритамиз.

Сўнгги вақтда эълон қилинаётган смартфонларда асосий эътибор камерани такомиллаштиришга қаратилмоқда. Мисол учун, Microsoft Lumia 950 XL 20 МП бош камераси билан мақтанса, у олган суратлар iPhone 6S гаджетининг ҳамда Samsung Galaxy S7’нинг 12 мегапикселли камераларида олинган суратлар сифатидан юқори эмас.

Селфи ишқибозлари учун эса яқинда намойиш қилинган ZTE Axon Max гаджетининг 13 ПМ олд камераси айни муддао бўлди.

Хўш, смартфон камераси учун яхши сурат олишда пиксель муҳимми ёки объективми? Гонгконгда ижод қилувчи фотограф Франц Эстерманнинг таъкидлашича, яхши сурат олишда камера объективининг аҳамияти юқори.

“Смартфонларда DSLR, яъни профессионал камераларга хос автоматик суратга олиш тизимига эга. Аммо суратнинг тиниқ чиқиши ёруғлик ва фокусга боғлиқ. Бу эса объективга хос қобилият.”

Тунги Гонг Конг. Samsung Note 3 гаджетида олинган.

Тунги Гонг Конг. Samsung Note 3 гаджетида олинган.

Сўнгги вақтларда Samsung’нинг Note 3 таблети ҳам сураткашларда катта қизиқиш уйғотмоқда. Катта ва ёрқин дисплей, аккумуляторнинг қувват сиғими ҳам юқори.

Аммо Samsung Galaxy S7’нинг муҳим жиҳатлари янада кўпроқ. Камера объективининг f1.7 ўлчамдаги катта туйнуги, автофокус тизими тунги осмонни суратга олишда ҳам қўл келади. Ваҳоланки бу ишни шу вақтга қадар фақатгина профессионал камералар ёрдамида амалга ошириш мумкин эди. Камеранинг оптик барқарорлик функцияси равшан суратлар олинишига хизмат қилса, Ultra HD технологияси 4K TV’да видеоларни кўришни таъминлайди.

Samsung S7 смартфонида олинган суратлар янада кенгроқ панорамада намоён бўлиши билан ўзига хосдир.

Ultra HD 4K видеога олиш технологияси эса бугунги мобиль алоқа воситаларининг навбатдаги муҳим жиҳати. Айниқса, iPhone – 6S, 6S Plus ҳамда iPhone SE, Lumia смартфонлари, Samsung’нинг сўнгги Galaxy гаджетларида олиш мумкин бўлган 2 секундлик видео форматидаги “жонли сурат”лар олиш функцияси ҳам йўл-йўлакай кўрган-кечирганини Facebook ижтимоий тармоғига жойлаб кетадиганларнинг диққатини тортди.

Шу билан бирга, муҳим график эффект ҳисобланган HDR (High dynamic range) юқори динамикали диапазон ҳам смартфон фойдаланувчисига суратни ёруғ ёки қоронғуроқ эффектда олиш имконини беради. У ранг-тасвир уйғунлигини таъминлайди. Янги HP Elite X3 смартфонининг олд камерасида илк маротаба мана шу технология татбиқ қилинди.

Alcatel Idol 4S смартфони ҳам яхши сурат олиш кўникмаси билан кўпчиликнинг диққат-эътиборига тушди.

Сўнгги вақтда урф бўлаётган қўш камерали смартфонлар телефон аппаратига суратга олгандан кейин ҳам суратни қайта фокуслаш имконини беради. HTC One M8, Honor 6 Plus ҳамда LG G5 қурилмаларини шулар қаторига қўшиш мумкин. Қўш камерали смартфонлар 2016 йилнинг муҳим янгилиги бўлди.

Сайт янгиликларидан доимий хабардор бўлиш учун Телеграм каналимизга қўшилинг!