ZEISS камерали Nokia 7 тақдим этилди: ажойиб дизайн қулай нархда! (+видео)

  •   DiMaX
  •  1177
  •  19.10.2017 14:31

ZEISS камерали Nokia 7 тақдим этилди: ажойиб дизайн қулай нархда! (+видео)

HMD Global компанияси келгуси йил намойиш қилиниши кутилаётган Nokia 7 смартфонини кутилмаганда бугун – 19 октябрда тақдим этди. Ўрта нарх тоифасидаги ушбу қурилманинг тақдимот маросими Хитойда бўлиб ўтди, деб ёзади GizmoChina.

Дизайн

Nokia 7 – мазкур компаниянинг шиша ва алюминий бирлашмасидан ясалган корпусга эга илк смартфонидир. Унинг орқа панели уч қатламли Gorilla Glass 3 3D-шишаси билан қопланган, унинг атрофини эса 7000 сериясидаги алюминий ром ўраб туради. Қурилма IP54 стандартига кўра намдан ҳимояланган.

Худди ҳозирги флагман Nokia 8 каби, Nokia 7 ҳам дисплейнинг устки ва пастки қисмларида кенг ромга эга. Остки панелида сенсорли Android бошқарув тугмачалари жойлашган.

Тақдимот маросимида Nokia 7 икки хил – оқ ва қора рангларда намойиш этилган.

Nokia 7 смартфонининг техник хусусиятлари:

  • Дисплей: 5,2 дюймли, 1920x1080 пикселли Full HD IPS-экран;
  • Процессор: 8 ядроли Snapdragon 630;
  • Хотира: 4/6 ГБ тезкор ва 64 ГБ доимий;
  • Асосий камера: f/1,8 диафрагмали ва икки тусдаги LED-чақноқли, 16 мегапикселли ZEISS объективи;
  • Олд камера: f/2.0 апертурали, кўриш бурчаги 84 даражали, 5 мегапикселли объектив;
  • Аккумулятор: 3000 мА/соат, 9В/2А тезкор қувватлаш технологияси;
  • Операцион тизим: Android 7.1.1 Nougat;
  • Ўлчамлари: 141,2 х 71,45 х 7,92 мм.

Бошқа жиҳатлари

Nokia 7’нинг ўзига хосликларидан бири Dual-sight технологиясини қўллаб-қувватлашидир. У бир вақтнинг ўзида асосий ва олд камераларни баравар қўллаган ҳолда фото ва видео тасвирга олиш имконини беради. HMD Global бундай видеороликларни «Bothies» деб номлаган.

Смартфондаги OZO технологияси «360-даражали» овоз ёза билади.

Шунингдек, Nokia 7 орқа панелида бармоқ изи сканерига, USB-C портига, 3,5 миллиметрлик қулоқчин тирқишига ва LTE-модемига эга. У симсиз алоқанинг Wi-Fi 802.11ac, Bluetooth v5.0, NFC ҳамда GPS интерфейсларини қўллаб-қувватлайди.

Чиқиш вақти ва нархлари

Nokia 7 ўз «ватани» – Хитойда 24 октябрдан сотувга чиқади. Унинг 4 гигабайт ҳажмли тезкор хотирага эга моделига 2499 юань (тахминан 377 АҚШ доллари), тезкор хотираси 6 гигабайтлик ҳажмга эга талқинига эса 2699 юань (тахминан 407 доллар) нарх белгиланган.

Мана, қуйида смартфонни «жонли» видеода кўришингиз мумкин:

Смартфоннинг глобал савдоси қачон бошланиши ҳақида ҳозирча маълумот берилмаган.

Сайтимиз хабарларини Одноклассникидаги саҳифамизда кузатиб боринг!

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.