Эксклюзив: Galaxy S9 тақдимот куни маълум, янги видеосини томоша қилинг!
Одатда янги қурилмалар ҳақида олдиндан турли маълумотлар тарқалса-да, то расман эълон қилинмагунича уларнинг ташқи кўриниши ва хусусиятлари аниқ бўлмайди.
ЎҚИНГ: Galaxy S9'нинг iPhone X ва бошқа флагманларни доғда қолдирадиган жиҳати маълум бўлди
Жумладан, жанубий кореялик гигантнинг навбатдаги флагмани борасида ҳам шундай бўляпти. Машҳур инсайдер @OnLeaks тайёрлаган видеодаги Galaxy S9’нинг уч ўлчамли модели у ҳақдаги аввалги тасаввурларимиздан бошқачароқ. Одатда @OnLeaks прогнозлари тўғри чиқишини инобатга олсак, Samsung’нинг кейинги флагмани айнан шундай кўринишда эканлигига ишонаверса ҳам бўлади.
Мана, ўзингиз томоша қилинг-да:
Хулласи калом, бу лавҳада кўрганингиздек, Galaxy S9 моделининг асосий камераси икки эмас, биттагина объективга эга. Бир томондан қараганда, 2018 йил флагмани учун якка модулли асосий камера қанақадир ғалати ҳам. Ахир, айрим смартфонсозлар учта модулли камера чиқаряпти-ку!
ЎҚИНГ: Смартфон саноатида ҳайратомуз девайс кутилмоқда
Иккинчи томондан эса, яқиндагина Google ўзининг Pixel 2 смартфонлари билан бир нарсани исботлаб берди: ажойиб суратлар олиш учун иккинчи объективнинг умуман кераги йўқ, муносиб дастурий таъминот бўлса кифоя. Тўғри, иккинчи модул кенг бурчакли ёки телеобъектив билан жиҳозланган бўлиши ҳам мумкин. Аммо бу имкониятлар мавжуд бўлган тақдирда ҳам фойдаланувчилар уларни камдан-кам ишлатишади, демак – уларнинг амалий аҳамияти кам.
ЎҚИНГ: Бир манзарани Canon 5D Mark III, Google Pixel 2 XL ва iPhone X бир вақтда суратга олиб кўрди
Шуларни инобатга олсак, Samsung қўшалоқ камера вариантини Note туркумидаги фаблетлари ёки Galaxy S9+ модели учун сақлаб турган бўлиши ҳам ўринли кўринади.
Шунингдек, янги маълумотларга кўра, Samsung бу флагмани тақдимотини 27 февралга белгилаган.
Эслатиб ўтамиз, DBS Design жамоаси тайёрлаган видеолавҳада Galaxy S9 бошқачароқ кўриниш касб этган эди:
