Xiaomi Mi 9T Pro тақдимот арафасида Geekbench’да имтиҳон топширди: Black Shark 2 Pro’дан қолишмайди!
«Хитойча Apple» ўтган ойда намойиш этган Xiaomi Mi 9T смартфонини аллақачон Ўзбекистонда ҳам сотиб олиш мумкин. Унинг кучли варианти – Xiaomi Mi 9T Pro эса ҳали энди тақдим қилинади.
ЎҚИНГ: Xiaomi Qin 2 – атиги 73 долларлик, энг ностандарт смартфон намойиш қилинди!
Mi 9T Pro модели аввалроқ оммабоп Geekbench сервисида текшириб кўрилганида, якка ядроли тестда 3453 балл олган, кўп ядроли синовда эса 10363 очко тўплай билган. Куни кеча мазкур флагман яна айни ушбу бенчмаркда имтиҳон топшириб, натижаларини янгилаган:
Xiaomi Mi 9T Pro бу гал Qualcomm Snapdragon 855 процессорининг битта ядроси иштирокидаги синовда 3499, барча ядроларини ишлатганида эса 11018 баллик натижа кўрсатган.
Қизиғи шундаки, Xiaomi компаниясининг ўйинбоп Black Shark 2 Pro смартфонини 30 июлда намойиш этади. Мазкур қурилма Geekbench сервисида тегишлича 3632 ва 11304 очко тўплаган:
Бундан кўриниб турибдики, Xiaomi Mi 9T Pro самарадорликда ҳатто геймерлар смартфонлари билан беллаша олади! Бенчмаркдаги маълумотларга кўра, у 6 гигабайтлик тезкор хотирага ҳамда Android 9.0 Pie операцион тизимига эга.
Mi 9T Pro яқин орада тақдим этилиб, август ойининг ўзидаёқ сотувга чиқиши айтилмоқда. Ҳозиргача глобал бозорга чиққан турли русумлардаги Xiaomi телефонларини эса 590 000 сўмдан бошланувчи нархлар эвазига Terashop.uz интернет-дўконимиздан сотиб олиш мумкин.
ЎҚИНГ: Redmi камераси 64 МПлик биринчи смартфонини ва унда олинган расмни эълон қилди
