Алламжонов: Facebook ва Youtube'ни блоклаганлар қамоқда

Алламжонов: Facebook ва Youtube'ни блоклаганлар қамоқда

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директори Комил Алламжонов “Alter Ego” видеоблоги билан ўтказилган эксклюзив суҳбатда Facebook ва Youtube ижтимоий тармоқларининг нега блоклангани масаласига тўхталди.

Бу сайтларни ким блоклади, деган саволга жавоб бераркан, Алламжонов аниқ исмларни келтирмади, лекин бу иш ортида турганлар аллақачон қамоқда, эканини айтди.
У, шунингдек, агентликка раҳбар бўлиб келгандан кейин ушбу сайтлардан блокларни олиб ташлаш бўйича ҳаракат қилганини ва бунга эришганини таъкидлади.

“Гап шундаки, уларнинг фикрича, тўсатдан салбий фикрлар кўпайиб кетган. Ва улар Facebook ва Youtube'ни ёпиш билан салбий ахборотлар оқимини камайтириш мумкин, деб шу қарорга келишган. Бу масалада жуда жиддий мунозараларга сабаб бўлган. Мен салбий ахборотларга қарши контраргумент ва контрфактлар билан курашиш керак, деган фикрни айтганман”, - деди агентлик раҳбари.

Ўтган йили бир неча ой давомида “Facebook ”, “Youtube” каби бир қатор ижтимоий тармоқлар Ўзбекистон ҳудудида ишламай қолган эди. Шунингдек, баъзи янгилик сайтларида ҳам шу ҳолат кузатилган.

Сайтларни блоклаш ташаббуси ортида турган шахсларнинг исми очиқланмаган.

ЎҚИНГ: Ўзбекистон президентининг мобил телефони борми?

Terabayt.uz сайтининг видеолари: Youtube'даги каналимизда!