Redmi K20 қанчалик чидамлилигини кўрсатди (+видео)

Redmi K20 қанчалик чидамлилигини кўрсатди (+видео)

Сотувга чиққанига бир қанча муддат бўлган Redmi K20 ўзининг юқори даражадаги функционаллиги ҳамда ҳамёнбоп нархи сабаб кўпчиликнинг олқишига сазовор бўлиб келмоқда. JerryRigEverything номи билан танилган YouTube'чи Зек Нелсон смартфонни ўзининг машҳур чидамлилик синовидан ўтказди. Кўрайлик-чи, қурилма имтиҳондан "беш" олармикан.

Дисплейнинг чидамлилик синови билан бошланган имтиҳонда K20 Pro'нинг Gorilla Glass 5 экрани Мохс қаттиқлик шкаласи бўйича 6 даражали чизилиш кўрсаткичини қайд этди — аксарият смартфонлар каби. Юқори томонда жойлашган карнай устки тўри металлдан ишланган бўлса, корпусдан сизиб чиқувчи камера модули пластикдан ишланган, объектив эса шиша қоплама билан ҳимояланган. 

Оғир босим ўтказилган бўлишига қарамай, pop-up камерага ҳеч қандай шикаст етмади. Кутилганидек, қурилманинг ён ҳошияси ва барча тугмалари алюминийдан ишланган бўлса, орқа панелни худди дисплейдаги каби Gorilla Glass 5 шишаси ҳимоялаб туради. Учта орқа камера ҳам шиша қопламага эга. Девайс, шунингдек, экранга олов тутиб ўтказилган синовдан ҳам "ёруғ юз билан" ўта олди.

7 даражали минерал датчик чизилиш кўрсаткичидан кейин ҳам оптик бармоқ изи сканери ишлайверди. Бу видео қайириш синовисиз JerryRig видеоси бўлмасди. Бу синовдан ҳам қаҳрамонимиз эсон-омон ўтди.

ЎҚИНГ: Redmi K20 Pro аллақачон Terashop.uz’да! Xiaomi смартфонларининг нархлари (2019 йил 6 сентябрь)

Хабарларни тез ва осон ўқиш учун Андроид иловамизни сақлаб олинг.