Аккумулятор автономлиги: Apple iPhone 11 Pro Max vs Galaxy Note10+. Бу сафар қайси бири ютди?
iPhone 11 линейкасининг алқанаётган жиҳати фақат унинг камераси эмас. Смартфонларнинг аккумулятор автономлиги ҳам анчайин такомиллаштирилганлиги ҳозирга қадар ўз исботини бир неча марта кўрсатди. PhoneBuff номли YouTube'чи Apple'нинг iPhone 11 Pro Max'ини корейсларнинг Galaxy Note10+ ига қарши синовдан ўтказди.
Galaxy'нинг аккумулятори iPhone'никидан каттароқ, лекин дисплей резолюцияси ҳам шунга яраша. Note10+ га 6.8 дюймли 3040 х 1440 пиксел катталигига эга дисплей жойланган бўлса, купертиноликлар ўзларининг янги смартфони дисплейи 6.5", 2688 х 1242 резолюцияли бўлишига қарор қилган. Бошқача қилиб айтганда, аккумуляторлар сиғими борасидаги 331 мА/соат фарқ дисплей сабаб йўқ бўлиб кетади. Маълумот учун, ҳар икки смартфонга мос равишда 4 300 мА/соат ва 3 969 мА/соат сиғимга эга қувват йиғгич қўйилган.
Табиийки, Apple ўзининг дастурий ва аппарат таъминотини оптималлаштира олади. Бу эса, ўз навбатида, iPhone 11 Pro Max корейсларнинг флагманини автоном ишлаш вақти борасида осонликча "чангида қолдир"ганига ҳайранламмаса ҳам бўлади, дегани. PhoneBuff ўтказган синовда iPhone тўлиқ қувват билан Note'дан икки соат кўпроқ ишлай олган.
Шундай қилиб, яна бир YouTube'чининг синовида iPhone 11 Pro Max экран доим ёниқ бўлганда 11 соат-у 5 дақиқа ишлаган, автомомлиги эса 16 соатни ташкил қилган.
Минг марта эшитгандан бир марта кўрган афзал. Мана, ўзингиз ҳам гувоҳ бўлишингиз мумкин:
ЎҚИНГ: «Келинни келганда кўр...»: iPhone 11’лар бўйича оммавий шикоятлар бошланди
