Энди ҳар қандай смартфонни атиги 150 доллар эвазига ноутбукка айлантириш мумкин! (+видео)

  •   DiMaX
  •  1469
  •  31.10.2019 13:28

Энди ҳар қандай смартфонни атиги 150 доллар эвазига ноутбукка айлантириш мумкин! (+видео)

Замонавий флагман смартфонларнинг қудрати ҳужжатлар билан ишлаш, матн териш, интернетда кезиш ва ҳоказо ишларга бемалол етади. Аммо кичкина экранда, митти виртуал клавиатура билан бу ишларни қилиш ноқулай. Шу боисдан смартфонга док-станция ёрдамида экран, клавиатура ва сичқонча кабиларни улаб, ундан компьютер сифатида фойдаланиш усули ишлаб чиқилган.

ЎҚИНГ: Apple барча iPhone ва iPad’ларга махфий тачпад жойлаган, уни ишга туширамиз!

Хитойликлар ноутбук шаклидаги универсал док-станция тақдим этишди ва уни PhoneBook деб номлашди. Яратувчиларнинг таъкидлашларича, унга MTK процессорларидан бошқа ҳар қандай чипсет базасидаги смартфонни улаш мумкин.

Аслини олганда, PhoneBook – шунчаки клавиатурали экран бўлиб, уни ноутбук сифатида қўллашда маълумотни қайта ишлаш жараёнларини смартфон бажаради. Телефоннинг процессори ва тезкор хотираси «кўтара олиши»га қараб, PhoneBook ёрдамида кўплаб ишларни қулай бажариш мумкин.

Техник хусусиятларига келсак, PhoneBook диагоналига 15,6 дюймлик сенсор дисплейга эга, тасвир аниқлиги эса Full HD форматида. Унинг корпусида, худди ноутбук каби, тўлақонли клавиатура ҳамда катта тачпад мавжуд.

ЎҚИНГ: Сканернинг кераги йўқ – унинг вазифасини энди исталган Android-смартфон бажара олади!

PhoneBook яна динамиклар, бир нечта USB порти, биттадан USB Type-C ва HDMI портлари, шунингдек, 3,5 миллиметрлик қулоқчин тирқиши билан ҳам жиҳозланган. Истасангиз, сичқонча ёки бошқа исталган мос келувчи аксессуарларни улашингиз, принтер улаб чоп этишингиз мумкин.

PhoneBook аккумулятори тўла қувват билан 8 соатгача ишлай олади; бундан ташқари, худди ноутбук каби, ўзига уланган смартфонни ҳам қувватлайди. Мазкур док-станция учун Kickstarter краудфандинг майдончасида маблағ йиғиш бошланган ва самарали кетяпти. Ушбу лойиҳа доирасида 37,5 минг доллар маблағ йиғиш режалаштирилган бўлса, аллақачон 100 минг доллардан ошиқ тўпланган. Хоҳловчилар унга 149 АҚШ доллари эвазига олдиндан буюртма беришлари мумкин, харидорларга буюртмалар шу йил декабрда етказиб берилади, дейишяпти.

ЎҚИНГ: Алданиб қолманг: ноутбукни очмасдан батареясини текшириш усуллари

Сайтимизнинг энг чиройли расмларини Инстаграмдаги саҳифамизда томоша қилинг!