Авлодлар силсиласи: Galaxy S'дан Galaxy S10'гача

Авлодлар силсиласи: Galaxy S'дан Galaxy S10'гача

Анча йиллардан буён, жанубий кореялик команиянинг Galaxy S туркумидаги гаджетлари инновацион дизайни ва фойдаланишга қулайлиги билан ўз харидорларини мамнун қилиб келмоқда.

2019 йил бошида компания ўзининг ўнинчи авлод Galaxy S10 смартфонини тақдим этди.
Бугун биз Galaxy S сериясининг барча девайслари билан танишиб чиқиб, 9 йил давомида Samsung дизайн ва техник жиҳатлар борасидаги ўз фалсафасини қандай ўзгартирганлигини билиб оламиз. Рўйхатимиздан Plus, Edge, Neo, Mini кабиларни олиб ташладик.

Galaxy S

S сериясининг биринчи авлоди бўлган ушбу смартфон 2010 йилда тақдим этилган. Гаджет Android 2.1 тизимида ишлаган. Қурилма 800х480 резолюцияли Super AMOLED экран, 1.0 GHz АRM Cortex А8 процессори, 500МБ тезкор ва 8ГБ доимий хотира, 1500 мА/соатли аккумулятор, 5МП асосий ва 0.3МП селфи камерага эга бўлган. Ҳозирги кунда бу кўрсаткичлар жудда оддий бўлиб кўриниши мумкин, лекин гаджет ўша вақтнинг энг кучли смартфонларидан бири эди. Galaxy S 25 млн донадан ортиқ сотилган.

Galaxy S II

Янгиланган S сериясининг бу гаджети 2011 йилнинг апрелида намойиш қилинган. S II худди аввалги смартфондагидек 800х480 ҳажмли Super AMOLED дисплейига эга бўлган. Лекин бошқа жиҳатлар борасида қурилма анча ўзгаришлар бўлган. Масалан, тезкор хотира 1ГБ, доимий хотира 16ГБ га кўтарилган. Процессорда ҳам ўзгариш бўлган, яъни кучлироқ бўлган икки ядролик Exynos 4210 асосий процессор ва Mali-400MP4 график процессори ўрнатилган. Қурилма 8МП орқа ва 2МП селфи камерага эга бўлган.

Galaxy S III

2012 йилнинг май ойида сотувга чиқарилган ушбу смартфон Samsung гаджетлари ичида биринчи бўлиб HD дисплейга эга бўлган. Шунингдек, гаджет экрани сезиларли даражада (1280х720 резолюция) катталашган ҳамда кучлироқ Exynos 4412 CPU'си ва Mali-400МП4 GPU'си ўрнатилган. Аммо камералар ўзгаришсиз қолган. Galaxy S III'га 1ГБ тезкор, 16ГБ доимий хотира, 2100 мА/соатли аккумуляторга ўрнатилган. Девайс 2012 йилнинг энг яхши смартфони деб эълон қилинган.

Galaxy S4

Смартфон 2013 йилнинг апрелида сотувга чиққан. Телефондаги асосий янгиланиш унинг экранида бўлган, яъни девайсга 5 дюмли FULL HD Super AMOLED дисплей ўрнатилган. Шунингдек, камера 8МП дан 13МП га, тезкор хотира эса 1ГБ дан 2ГБ га, акуммулятор эса 2600 мА/соатга кўтарилган. Exynos 5410 процессори эса қурима имкониятларини янада оширган. S4 - Galaxy S серия гаджетлари орасида энг кўп сотилган смартфон ҳисобланади (80 млн дона).

Galaxy S5

Бир йилдан сўнг, аниқроғи, 2014 йилнинг апрелида янги Galaxy S5 смартфони тақдим этилди. Қурилмага 5.1" FHD Super AMOLED дисплей, 16МП орқа ва 2МП олд камера, 2ГБ тезкор 16/32ГБ доимий хотира, Snapdragon 801 процессори ва Adreno 330 график процессори, 2800 мА/соатли аккумулятор қўйилган. Янги хусусиятларга келадиган бўлсак, қурилма 4G алоқасини қўллаб-қувватлаши, пульс сенсори, бармоқ изи сканери ҳамда IP68'га эга бўлган.

Galaxy S6

2015 йилнинг апрелида Samsung ўзининг қўшалоқ S6/S6 edge смартфонинини чиқарди. Бу туркумга кейинчалик S6 Edge+ ҳам қўшилди. S6'даги энг катта ўзгариш бу унинг корпуси алуминийдан ишланганидир. Аввалги барча қурилмалар фақат пластикдан ишланган эди. Смартфон хотираси ҳам анчага кенгайган - 3/32ГБ, 3/64ГБ, 3/128ГБ. Бундан ташқари, селфи камера 2МП дан 5МП га ошган. Лекин аккумулятор 2550 мА/соатга тушиб қолган. Гаджетга Exynos 7420 CPU ва Mali-Т760MP8 график процессори ўрнатилган.

Galaxy S7

Аввалги S6 серияси каби, бу туркум ҳам S7 ва S7 Edge кўринишида 2016 йил февраль ойида намойиш қилинган. Ўзгаришларга келадиган бўлсак, аввалги церийадаги 16МП камера янги гаджетда 12МП га туширилган бўлса, аккумулятор 3000мА/соатли, тезкор хотира 3ГБ дан 4ГБ гача ошган. Exynos 8890 процессори ва Mali-Т880 MP12 график процессори гаджет ишлаши янада барқарорлаштирган. Шунингдек, S7'га S серияси орасида биринчилардан бўлиб NFC тизими ўрнатилган.

Galaxy S8

Samsung Galaxy S8 биринчи бўлиб Infinity Displey'ида тақдим этилди, бунда экрандаги ромлар анчага қисқариб, экран чет томонга қайрилган. S8 2017 йилнинг апрелида тақдим этилган. Смартфон дизайнидаги катта ўзгариш юқорида айтиб ўтилганидек, Infinity Displey ҳамда бармоқ изи сканерини орқа томонга кўчирилган. Қурилмага барқарор Snapdragon 835/Exynos 8895 процессори ва Adreno 540/Мali-G71 MP20 график процессори, 3000 мА/соатли аккумулятор, 12МП олд камера, 8МП селфи камера, 6/64ГБ хотира ўрнатилган. Гаджетдаги туб ўзгаришлар: microUSB ўрнига USB Type-C 3.1 порти, 4K видеога олиш имконияти ва ирис сканери қўшилган.

Galaxy S9

S9 ташқи кўринишидан S8'га жуда ўхшаб кетади. Янги гаджетга 5,8 дюймли OLED дисплейи, Snapdragon 845/Exynos 9810CPU'си ва Adreno 630/Mali-G72 MP18 GPU'cи, 4/64ГБ, 4/128ГБ, 4/256ГБ хотира, 3000 мА/соатли аккумулятор ўрнатилган. Ўзгаришлар ҳақида гапирадиган бўлсак, бармоқ изи сканери орқа панелдаги камера остига кўчган ва стерео карнай ўрнатилган.

Galaxy S10

Энг сўнгги S10 гаджетида жуда катта ўзгаришлар юз берди. Авваламбор, Super AMOLED ўрнига Dynamic AMOLED ўрнатилган ва ромлар янада ингичкалашган. Шунингдек, девайсга 3 та: 12МП+12МП+16МП ли орқа ва 10 мегапикселли тирқиш селфи камера ўрнатилган. Қурилма аккумулятори 3400 мА/соатга, хотира 8/128ГБ, 8/256 8/512ГБ га ошган. Барқарор Snapdragon 855/Exynos 9820 процессори ва Adreno 640/Мali-G76 график процессори қурилма ишлашини янада такомиллаштирган.

Ҳасанбой Умаров тайёрлади.

ЎҚИНГ: Ўтмишга назар: Samsung Galaxy Note

Сайтимизнинг энг чиройли расмларини Инстаграмдаги саҳифамизда томоша қилинг!