Тил ўрганиш учун энг яхши 7 бепул илова

Тил ўрганиш учун энг яхши 7 бепул илова

Талабалар учун мўлжалланган мақолалар рукнини давом эттирган ҳолда ушбу постда тил ўрганиш ёки билганларингизни мустаҳкамлашга ёрдам берувчи бепул иловалар ҳақида маълумот берамиз.

Ушбу бепул иловалар ёрдамида тил ўрганишнинг қулайлиги шундаки, улар ҳар доим сиз билан. Учрашувдан беш дақиқа олдин бўладими ёки такси кутиб турган пайтингиздами, уларни очиб нимадир ўргансангиз бўлади.
Қуйида тақдим қиладиган иловаларимиздан фойдаланиб кўплаб, жумладан, инглиз, испан, француз, итальян, немис, ирланд, голланд, рус, хитой тилларни ўрганишингиз мумкин.

1. Duolingo

Бизга ёққан жиҳатлари:
•Аккаунт очиш шарт эмас;
•Тиллар танлови кенг;
•Ўрганиш усуллари кўп;
•Бепул дарслар кўп.

Бизга ёқмаган жиҳатлари:
•Дарслар изчиллигида узилишлар бор.

Duolingo билан тил ўрганишни бошлаш жуда осон. Шунчаки иловани очиб, ўрганмоқчи бўлган тилингизни танланг ва курс бошланади. Аккаунт очиб ўтиришингиз шарт эмас, лекин аккаунт яратсангиз, ўрганиш жараёнини сақлаш ва кузатиб боришингиз мумкин бўлади.
Ўрганиш мумкин бўлган тиллар: испан, француз, немис, хитой, инглиз, япон корейс, итальян, португал, голланд, ирланд, швед, турк, эсперанто, норвег, украин, гавайи, рус, поляк, ҳинд, уэлс, ветнам, венгер, грек, сваҳили, румин, индонез, чех, наваё, клингон.
Дуолингўдан оналйн ёки Android, iOS ва Windows учун иловалар орқали фойдаланиш мумкин.

Android учун юклаш

iOS учун юклаш

2. Memrise

Бизга ёққан жиҳатлари:
•Ўқитиш услублари ўзига хос;
•Кўплаб тиллар ўрганиш имконияти бор.

Бизга ёқмаган жиҳатлари:
•Аккаунт очиш талаб қилинади;
•Веб-сайт дизайни тушунарсиз.

Memrise -- тил ўргатувчи яна бир бепул илова. Бу илова орқали тил ўрганиш Дуолингўга қараганда бироз мураккаб. Аммо иловадан фойдаланиш осонлиги, офлайн курслар билан таъминлаши сабабли фойдаланувчига кўплаб тилларни ўргата олади. Дарсларни дастлабки ёки тўгридан-тўғри юқори босқич билан бошлаш мумкин. Memrise'нинг ўзига хос томони фойдаланувчига янги сўз ва ибораларни ўргатиш усулидадир.
Дастурда, шунингдек, таржималар орқали ўқитиш усули ҳам мавжуд.
Ўрганиш мумкин бўлган тиллар: инглиз, француз, испан, голланд, португал, норвег, япон, корейс, исланд, словен, араб, турк, немис, швед, поляк, итальян, хитой, рус, мўғул.
Memrise'дан Android, iOS учун иловаларидан, шунингдек, веб-браузер орқали онлайн фойдаланишингиз мумкин.

Android учун юклаш
iOS учун юклаш

3. Busuu

Бизга ёққан жиҳатлари:
•Барча даражадаги ўрганувчилар учун мос;
•Бошқа ўрганувчилар билан мулоқот қилиш имконияти мавжуд;
•Бошқа фойдаланувчиларга тавсиялар бериш имконияти бор.

Бизга ёқмаган жиҳатлари:
•Тил танлаш танлови кам;
•Кўп функциялари пуллик;
•Аккаунт очиш талаб этилади.

Busuu иловасидан фойдаланиш осон ҳамда илова турли хил даражадиги тил ўрганувчилар учун жуда қулайдир. Фойдаланувчи шунчаки рўйхатдан ўтиб, ўрганмоқчи бўлган тили ва даражасини танлайди.
Илова фойдаланувчига гаплар ичидаги сўз ва сўз бирикмаларини ўргатади, сўнгра босқичма-босқич тест кўринишида имтиҳондан ўтказади.
Ўрганиш мумкин бўлган тиллар: немис, испан, португал, француз, инглиз, итальян, рус, поляк, турк, япон, хитой
Busuu билан Android, iOS ёки интернет воситасида тилни ўрганиш мумкин.

Android учун юклаш

iOS учун юклаш

4. AccellaStudy Essential Apps

Бизга ёққан жиҳатлари:
Ҳар бир тил учун алоҳида иловадан иборат;
Бир нечта ўрганиш усуллари мавжуд.

Бизга ёқмаган жиҳатлари:
Иловага янгиланишлар жўнатилмайди;
Қолган иловаларга нисбатан тил танлови камроқ;
Android'га мос келувчи илова йўқлиги;

AccellaStudy'да фойдаланувчи ўрганмоқчи бўлган ҳар бир тил учун алоҳида илова мавжуд. Иловалардан фойдаланиш жуда содда, офлайн режимда ҳам ишлайди. Танланган тилдаги фарқни айтмаганда, иловаларнинг барча жиҳатлари деярли бир хил.
Бу иловада аудио викториналар ва яна бошқа қизиқарли функциялар бор. Блуэтоотҳ-гарнитура функцияси эса автомобиль бошқараётганда айнан мос келувчи функция. Бунда фойдаланувчи қурилмага қарамган ҳолда ҳам тилни ўрганиши мумкин.
Тиллларни бепул ўргатувчи ушбу илова дастурлари фойдаланувчига ўзининг дарслар тўпламини яратиш имконини беради ва шу билан фойдаланувчи қайси сўзларга эътибор қаратишни ўзи танлай олади. Бу жуда яхши функция, чунки фойдаланувчи сўзларни ўрганишга қийналаётган бўлса сўзларни ажратган ҳолда ўрганади.
Ўрганиш мумкин бўлган тиллар: инглиз, испан, француз, немис, итальян, голланд, грек, араб, япон, хитой, корейс, поляк, португал, румин, рус, украин ва турк.
Илова фақат iOS тизимлари учун ишлаб чиқилган.

iOS учун юклаш

5. 24/7 Tutor Apps

Бизга ёққан жиҳатлари:
•Ўрганиш усуллари кўп;
•Фойдаланиш осон.

Бизга ёқмаган жиҳатлари:
•Тил танлаш имконияти кам;
•Фақат iOS тизмига мос.

24/7 иловаси билан фойдаланувчи ҳар куни, исталган вақт тил ўргатувчи устозга эга бўлиши мумкин. Иловада фақат асосий Европа тиллари мавжуд. Ҳар бир тил учун алоҳида илова мавжуд. Ҳар бир илова орқали кийим-кечак, ўйин-кулги, ранг, таълим, оила, озиқ-овқат, саломатлик, саломлашиш, тана аъзолари, йўналишлар, об-ҳаво, иш ва бошқа мавзуларга оид сўзларни ўрганиш мумкин.
Иловада ўрганилган мавзулар рўйхати, хотира ўйинлари, викторина, имло амалиёти каби категориялар бор.
Ўрганиш мумкин бўлган тиллар: испан, француз, немис, итальян.
24/7 иловаси фақат iOS тизмида ишловчи қурилмаларига мос келади.

iOS учун юклаш

6. Rosetta Stone

Бизга ёққан жиҳатлари:
•Саёҳатчилар учун қулай;
•Ўзига хос функцияларга эга;
•Тил танлови кенг;
•Барча платформаларга мос.

Бизга ёқмаган жиҳатлари:
•Ўргатиш методлари эскирган.

Rosetta Stone тилларни ўрганиш учун профессионал даражадаги сервис. Илова, асосан, саёҳат давомида кўп қўлланиладиган сўз ва ибораларни ўргатади.
Шунингдек, ресторан, меҳмонхоналар ва саёҳат билан боғлиқ асосий сўз ва бирикмалардан иборат сўзлачгич бор - бу саёҳатга чиққанлар учун жуда фойдали. Агар фойдаланувчи хоҳласа, ранг, валюта ва харидга оид луғатларни сотиб олиши мумкин.
Ўрганиш мумкин бўлган тиллар: испан, инглиз, француз, япон, итальян, немис, хитой, португал, рус, араб, корейс, голланд, юнон, ҳинд, ирланд, форс, поляк, швед, турк, ветнам.

Android учун юклаш

iOS учун юклаш

7. Google Таржимон

Бизга ёққан жиҳатлари:
•Таржима қилиш усуллари мавжуд;
•Тез таржима қилиш имконияти мавжуд;
•Кўп тиллардан/тилларга таржима қила олади;
•Ҳам илова ҳам веб-сайтда ишлайди.

Бизга ёқмаган жиҳатлар:
•Ўргатиш дарслари йўқ.

Кўпгина тилларни ўргатувчи иловалар фойдаланувчига машқлар бажариш орқали тилни ўргатади, Google Таржимон эса ёзиш ва гапиришни ўргатади.
Google Таржимонда, шунингдек, сўз ва жумлаларни териб киритиш, қўлда ёзиш ва гапириш орқали таржима қилиш мумкин.
Иловадан интернетга уланмаган ҳолда ҳам фойдаланиш мумкин (фақат тил пакетини олдиндан юклаб олишни унутманг). Бундан ташқари, Google Таржимонда ҳар қандай матнни камера орқали расмга олиб таржима қилиш мумкин (бунда дастур фақат бир неча тиллардан таржима қила олади).
Google Таржимон жуда кўплаб тилларда ишлай олади, шу жумладан ўзбек тилида ҳам.
Иловадан Android ва iOS тизимлари орқали фойдаланиш мумкин.

Android учун юклаш
iOS учун юклаш

Ҳасанбой Умаров тайёрлади.

ЎҚИНГ: Талабага керак бўлган 9 бепул илова