Galaxy A71'га илк назар: дизайн ва техник жиҳатлар

Galaxy A71'га илк назар: дизайн ва техник жиҳатлар

Ҳозиргина Galaxy A51 смартфонининг сиздирилган рендерларини кўрдик. Энди эса таниқли инсайдер OnLeaks CashKaro билан ҳамкорликда компаниянинг навбатдаги смартфони бўлмиш Galaxy A71'нинг эксклюзив рендерларини ва қурилма 360° дан кўрсатилган видеони улашди. Бу ҳақида Android Authority хабар бермоқда.

Тасвирлардан кўришимиз мумкинки, девайсга тўрт линзали камера модули ўрнатилади, олд панелда якка селфи камера тирқиши ва 3.5 мм аудио жек бўлади. Яна шу нарса маълумки, смартфон USB-C портга эга бўлиб, CashKaro'нинг таъкидлашича, экран 6,7 дюймли Full HD панель бўлади. Galaxy A71'нинг ўлчамлари тахминан 163.5 х 76 х 7.9 мм, орқа камера бўртмаси эса 9.2 мм бўлиши керак. Техник жиҳатларига тўхталиб ўтсак эса, ўрта тоифа қурилмаси Snapdragon 675 чипи, Adreno 612 график процессори, 4 500 мА/соатли аккумулятор ва 8ГБ тезкор хотирага эга бўлиши кутилмоқда. Galaxy A71'нинг бошқа смартфонлардан фарқли томони орқа камера модулидир. Яқинда чиққан Galaxy A51 рендерларида кўрганимиздек, A71'нинг ҳам камералари L шаклида жойлашиб, модул таркибига 48 мегапикселли асосий, 12 мегапикселли ультра кенг бурчакли, 12 мегапикселли телефото ва 3D ToF (парвоз вақти) камералар киради. Олд камера эса худди Galaxy Note10 линейкасидаги каби марказда жойлашган якка айлана тириқиш бўлиб, унга 32МП линза жойланади. Операцион тизими эса Android 10 бўлиши айтилмоқда. Расмийлар смартфон қачон тақдим қилиниши ҳақида ҳали ҳеч нарса деяни йўқ, лекин тақдимот бизни узоқ куттирмаслиги керак. Сиз смартфон дизайни ҳақида қандай фикрдасиз? A71'нинг техник жиҳатлари сизни қониқтирдими? Муносабатингизни Telegram'даги фан клубимизда қолдиришингиз мумкин. 

ЎҚИНГ: Galaxy A70 ва A70s'ларни таққослаймиз