Мана, Samsung Galaxy S11 қандай бўлади!

Мана, Samsung Galaxy S11 қандай бўлади!

Ҳозирга қадар Samsung Galaxy S11 ҳақида жуда кўплаб маълумот сиздирилди. Лекин булар орасида қурилма қандай кўринишда бўлиши ҳақидаги маълумот шу кунга қадар мавжуд эмасди.

Мана, ва ниҳоят доимий ликстер ҳамда 91Mobiles "Уч юлдуз"нинг навбатдаги флагмани рендерларини ошкор қилишди. Тасвирлардан кўриниб турибдики, февралда тақдим қилиниши кутилаётган девайслар бештагача орқа камерага ва Note10'даги каби айлана селфи камера тириқишига эга бўлади. Дисплей эса кўплаб муҳокамаларга сабаб бўлаётган шаршара дизайнида эмаслиги ҳам ажойиб янгилик. Сиздирилган рендерлар билан ўзингиз ҳам қуйида танишиб чиқишингиз мумкин:Тахминимизча, Galaxy S11'га ҳам орқа панелда худди Note10+ даги каби 1) асосий, 2) ультра кенг бурчакли, 3) телефото ва 4) 3D ToF камераларига эга бўлади. Лекин бешинчи камерачи? Балки бу камера ранг датчиги ёки фокус модули бўлар; бунисини вақт кўрсатади.

Лекин, умуман олганда, камера модули тузилиши кечагина тақдим қилинган рендерлардаги Galaxy A71'ники билан деярли бир хил шаклда. Бундан келиб чиққан ҳолда, кореялик компания 2020 йилги смартфонларига деярли бир хил дизайндаги камера модуллари ўрнатмоқчи, дейишимиз мумкин.

Рендерларидаги Galaxy S11'да аудио жек кўринмаяпти. Демак, компания Note10 амалиётини S'ларга ҳам жорий этишни бошлаб юборди. Эндиликда аудиоларни USB-C порт ёки Bluetooth орқали тинглашга тўғри келади.

Девайснинг эътиборга молик бошқа жиҳатлари овоз назорати ва қувват тугмаларининг ўнг томонда жойлашгани, якка карнайнинг эса қуйи томондаги USB порт ёнига ўрнатилганидир. Смартфоннинг чап томонида ҳеч қандай тугмалар йўқ, демак, Bixby тугмасидан воз кечилган.

ЎҚИНГ: Samsung Galaxy S11 қанча тезликда зарядланади?

Terabayt.uz сайтининг видеолари: Youtube'даги каналимизда!