Ўтган ҳафта трендда бўлган топ 10 смартфон (қирқ еттинчи ҳафта)

Ўтган ҳафта трендда бўлган топ 10 смартфон (қирқ еттинчи ҳафта)

Икки ҳафта олдин Xiaomi чартимизда ҳақиқий етакчи бўлган эди, лекин компания шундан кейин бу қадар машҳурлигини бироз йўқотди.

Шундай бўлса-да, хитойлик смартфонсоз ҳали ҳам ўзининг Redmi Note 8 Pro ва Redmi Note 8 смартфонлари билан илк икки ўринни эгаллаб турибди.

Учинчи ўринда эса чартимизга янги қўшилган Motorola Razr турибди; эски қурилманинг янгича талқини техноиқшибозлар қизиқишини қўзғата олган кўринади. 1 500 долларга баҳоланаётган вертикалига букланувчи бу гаджетнинг техник жиҳатлари кишини бироз беҳафсала қилсада, дизайни ҳақида гап-сўз бўлиши мумкин эмас.

Ундан кейинги ўринда эса асталик билан оммалашаётган ҳинд компаниясининг илк флагмани — Realme X2 Pro турибди. Бешинчи ўриндан эса худди шу компаниянинг бошқа бир смартфони: қуйи тоифа 5s жой олди.

Ҳали тақдим қилинмаган Galaxy A51 бу гал ҳам топ 10 таликка кира олгани ўрта тоифа смартфони учун жуда яхши кўрсаткичдир. Тақдимотгача эса олдинда ҳали яна бир неча ой бор.

Xiaomi Mi Note 10 эса еттинчига тушиб кетган бўлса, фақат тизерларини кўрганимиз Huawei nova 6 эса ундан кейинги поғонада.

Samsung'нинг иккинчи қурилмаси Galaxy A50'га тўққизинчи ўрин насиб қилди. Рўйхатимизнинг энг "содиқ" аъзоси яна бир неча ҳафта топ 10 таликда бўладими ёки шуҳрат чўққисидан тушиш вақти келдимикан? Буни кейинги ҳафта билиб оламиз.

Охирги жой Mi Note 10'нинг хитойча талқини бўлган Xiaomi Mi CC9 Pro'га тегди. Қизиғи, Mi Note 10 Pro чартимиздан бутунлай чиқиб кетиб бўлган. Худди шундай, бир марта чарақлаб сўнган HTC Desire 19s ва Realme 5 Pro'лар билан ҳам хайрлашдик.

Xiaomi Redmi Note 8 Pro
Ҳозирги рейтинги: 1/Ўтган ҳафтадаги рейтинги: 1
Xiaomi Redmi Note 8
Ҳозирги рейтинги: 2/Ўтган ҳафтадаги рейтинги: 4
Motorola Razr 2019
Ҳозирги рейтинги: 3/Ўтган ҳафтадаги рейтинги: Топ ўнталикка кирмаган
Realme X2 Pro
Ҳозирги рейтинги: 4/Ўтган ҳафтадаги рейтинги: 10
Realme 5s
Ҳозирги рейтинги: 5/Ўтган ҳафтадаги рейтинги: Топ ўнталикка кирмаган
Samsung Galaxy A51
Ҳозирги рейтинги: 6/Ўтган ҳафтадаги рейтинги: 2
Xiaomi Mi Note 10
Ҳозирги рейтинги: 7/Ўтган ҳафтадаги рейтинги: 5
Huawei nova 6
Ҳозирги рейтинги: 8/Ўтган ҳафтадаги рейтинги: Топ ўнталикка кирмаган
Samsung Galaxy A50
Ҳозирги рейтинги: 9/Ўтган ҳафтадаги рейтинги: 6
Xiaomi Mi CC9 Pro
Ҳозирги рейтинги: 10/Ўтган ҳафтадаги рейтинги: 7

Барча тасвир ва рендерлар GSMArena.com сайтидан олинди.

ЎҚИНГ: Ўтган ҳафта трендда бўлган топ 10 смартфон (қирқ олтинчи ҳафта)

Хабарларни тез ва осон ўқиш учун Андроид иловамизни сақлаб олинг.