Samsung Galaxy S11+ Geekbench'да ўз кучини кўрсатди

Samsung Galaxy S11+ (SM-G986) смартфони Geekbench бенчмаркида синовдан ўтди. Қурилмага, кутилганидек, Exynos 9830 чипи ўрнатилган. Лекин, табиийки, баъзи минтақалар учун Snapdragon 965'ли талқин ҳам чиқарилади.

Бенчмаркнинг кўрсатишича, смартфоннинг тезкор хотираси 12ГБ бўлади, бу S10 оиласининг энг кучли вакили бўлган S10+ ники билан бир хил. Бу гал 8ГБ лик талқин бўладими-йўқми, буниси ҳозирча номаълум.Яна кутилганидек, қурилма Android 10 асосидаги One UI 2.0'да ишлайди.

Ваҳоланки, бенчмарк натижалари ҳақида яхши фикр айта олмаймиз. Якка ядро натижалари Exynos 9825'никидан пастроқлигидан келиб чиқиб айтишимиз мумкинки, смартфоннинг қурилмавий ва дастурий таъминоти ҳали охирига етказилмаган.

Exynos 9830 чипи нималардан ташкил топган?Чип ҳақидаги тўлиқ тафсилотлар маълум эмас, лекин афтидан Samsung кейинги авлод флагман чиплари таркиби элементларини ўзгартирмоқда. Яъни янги чип тўрттадан ядродан ташкил топган икки жуфт кластердан иборат (олдинги чиплар эса 2+2+4 конфигурацияга эга эди). 

ЎҚИНГ: Samsung Galaxy S11: тақдимот санаси, дисплей ва камераларнинг техник жиҳатлари маълум бўлди