Huawei nova 6 32МП селфи камерага эга бўлади

Huawei nova 6 32МП селфи камерага эга бўлади

Huawei nova 6 5G смартфони 5 декабрь куни тақдим қилинади.

Компания ўтган ҳафта ўртоқлашган видеосидан маълум бўлгандики, қурилма қўшалоқ селфи камерага эга бўлади. Куни кеча тақдим қилинган яна бир промо-видеода эса смартфоннинг селфи камераси 32 мегапикселли бўлиши кўрсатиб ўтилган. Асосий олд камерага қўшимча, 8МП ультра кенг бурчакли линза ҳам бўлади. 

Видеода бошқа ҳеч қандай янги маълумот берилмаган. Камераларининг паст ёруғликда ишлаш сифатини кўрсатиш мақсадида ролик тунда олинган. "Минг марта гапиргандан бир марта кўрган афзал", деганларидак тизерга ўзингиз ҳам гувоҳ бўлишингиз мумкин:

nova 6 5G Kirin 990 чипида ишлаб, 6,44" LCD 1080п резолюцияли экран панелига эга бўлади. Смартфоннинг орқа томонида асосий камераси 60МП бўлган тўрт линзали камера модули ўрнатилади. Аккумулятор эса 4 000 мА/соат сиғимли бўлиб, 40 ваттда зарядланади.

ЎҚИНГ: Huawei икки ой ичида 7 милион дона Мате 30 смартфонларини сотди

Хабарларни тез ва осон ўқиш учун Андроид иловамизни сақлаб олинг.