Oppo Reno 3 ҳақида янги маълумот пайдо бўлди

Oppo ҳозирга қадар ишлаб чиқарган Reno серияли смартфонлари томчи тирқишли ёки корпусдан сизиб чиқувчи селфи камерага эга бўлган. Лекин келаси ой чиқиши кутилаётган Reno 3'га эса айлана тириқишли селфи камера ўрнатилиши мумкин.

Reno 3'дан олингани айтилаётган скриншотда смартфон экранининг юқори томон чап қисмида бўш жой мавжуд бўлиб, бу дисплейнинг чап бурчагида тирқиш бўлишидан далолат беради.Агар бу расм ростдан ҳам ҳақиқий бўлса, Reno 3'да қўш-5G функцияси бўлади. Бу функция ҳақида компания ўтган ҳафта ColorOS 7'нинг тақдимотида ҳам хабар берган эди.

Reno 3'нинг ой бошида сиздирилган техник жиҳатларига тўхталиб ўтсак, ҳали тақдим қилинмаган Snapdragon 735 чипида ишловчи гаджет 8ГБ оператив, 128/256ГБ доимий хотира сиғимига эга бўлади. 6,5" FHD+ AMOLED панелнинг янгиланиш частотаси 90Hz бўлиб, аккумулятор сиғими 4 500 мА/соатга тенг, 30 ваттли тезкор қувватлаш функцияси мавжуд. 

Олд камера 32 мегапикселли, орқа панелдаги тўрт камера модулининг асосий линзаси эса 60МП бўлади. 

ЎҚИНГ: "Жамоа! Бригада! Бизга қўшил!": Xiaomi, Vivo, Oppo ва Realme бирлашишди!