Samsung Galaxy S10'ларга барқарор Android 10 кела бошлади

Samsung Galaxy S10'ларга барқарор Android 10 кела бошлади

Мана, ва ниҳоят Германиядаги Galaxy S10 серияси смартфонларига One UI 2.0'нинг барқарор прошивкаси кела бошлади.

Аввалига фақат бета-дастур учун рўйхатдан ўтган фойдаланувчиларга тақдим қилинган интерфейснинг барқарор талқини энди бутун мамлакатдаги барча мижозларга жўнатилмоқда.

Германиялик Galaxy S10 эгалари Android 10 асосидаги One UI 2.0 қобиғини 1.9ГБ сарфлаб юклаб олишлари мумкин. Янгиланиш билан қурилманинг хавфсизлик патчи декабрь ойигача кўтарилади.Германияда истиқомат қилмайдиган фойдаланувчилар янгиланиш келишини яна бир неча ҳафта кутишни хоҳлашмаса, SamMobile сайти архивидан тизим янгиланишини юклаб олишлари мумкин. S10+ учун бу ерга, S10 учун бу ерга, S10e учун эса мана шу ерга босинг.

Янгиланишни ноавтоматик равишда ўрнатишдан олдин қурилмангиздаги барча маълумотларни бошқа девайсга кўчириб қўйишни унутманг.

Эътибор беринг! Агар тизимни ўрнатиш пайтида эҳтиёткор бўлмасангиз, смартфонингизни ишдан чиқаришингиз ҳам мумкин!

ЎҚИНГ: Samsung қурилмаларининг қайсилари қачон Android 10'га ўтади?

Сайт янгиликларидан доимий хабардор бўлиш учун Телеграм каналимизга қўшилинг!