Энг оммабоп 10 смартфон (2-ҳафта)
2020 йилнинг иккинчи ҳафтасида чартимизга илк бор Samsung Lite смартфонлари қўшилди.
Galaxy A51'дан олдинги илк ўринда ҳар галгидек Redmi Note 8 Pro турган бўлса, Samsung'нинг S10 Lite'и топ учталикка нуқта қўйди.
Xiaomi Redmi Note 8'га тўртинчи ўрин тегди, навбатдаги Lite — Galaxy Note 10 Lite эса бешинчида.
Олтинчи поғонани Sony Xperia 5 Plus банд қилиб турибди. Одатда, японларнинг смартфонлари камдан-кам ҳолларда рўйхатимизда кўриниш беради, бироқ ҳали тақдим қилинмаган ушбу қурилма бу қора анъанага маълум даражада чек қўйди ҳисоб.
Техник жиҳатлари юқори бўлишига қарамай, Xiaomi Mi 10 Pro бир поғона пастлаб, еттинчи ўрин билан чекланди.
Ундан кейинги саккизинчи, тўққизинчи ва ўнинчи ўринларда мос равишда Samsung Galaxy A71, Samsung Galaxy A50 ва Apple iPhone 11 Pro Max'лар турибди.
Oppo Reno3 Pro, Realme X50 5G ва Samsung Galaxy A70'лар билан эса хайрлашдик. Шундай қилиб, бу галги ўнталигимиздан Samsung'нинг бешта, Xiaomi'нинг учта, Apple ва Sony'ларнинг биттадан вакили ўрин эгаллади.
Xiaomi Redmi Note 8 Pro
Ҳозирги рейтинги: 1/Ўтган ҳафтадаги рейтинги: 1
Samsung Galaxy A51
Ҳозирги рейтинги: 2/Ўтган ҳафтадаги рейтинги: 2
Samsung Galaxy S10 Lite
Ҳозирги рейтинги: 3/Ўтган ҳафтадаги рейтинги: Топ ўнталикка кирмаган
Xiaomi Redmi Note 8
Ҳозирги рейтинги: 4/Ўтган ҳафтадаги рейтинги: 3
Samsung Galaxy Note 10 Lite
Ҳозирги рейтинги: 5/Ўтган ҳафтадаги рейтинги: Топ ўнталикка кирмаган
Sony Xperia 5 Plus
Ҳозирги рейтинги: 6/Ўтган ҳафтадаги рейтинги: Топ ўнталикка кирмаган
Xiaomi Mi Note 10 Pro
Ҳозирги рейтинги: 7/Ўтган ҳафтадаги рейтинги: 6
Samsung Galaxy A71
Ҳозирги рейтинги: 8/Ўтган ҳафтадаги рейтинги: 5
Samsung Galaxy A50
Ҳозирги рейтинги: 9/Ўтган ҳафтадаги рейтинги: 7
Apple iPhone 11 Pro Max
Ҳозирги рейтинги: 10/Ўтган ҳафтадаги рейтинги: 8
Барча тасвир ва рендерлар GSMArena.com сайтидан олинди.
