Huawei'га қарши навбатдаги зарба

Huawei'га қарши навбатдаги зарба

Куни кеча АҚШ ҳукумати Huawei'нинг ишини янада қийинлаштирувчи янги чекловларни жорий қилиш имкониятларини кўриб чиқаётгани маълум бўлди. Бундай чоралар орасида TSMC ишлаб чиқараётган чипларнинг етказилишини блокировка қилиш ҳам кўзда тутилган.

Ушбу қарор эса хусусий Kirin чипларидан маҳрум бўлаётган компания учун ҳалокатли бўлиши мумкин.

Reuters нашрининг хабар беришича, якуний қарор ҳали қабул қилинмаган. Аммо, Тайваннинг DigiTimes нашри TSMC Huawei билан ҳамкорликка чекловлар қўяётгани ҳақида маълум қилди.

Хусусан, Тайван чип ишлаб чиқарувчиси Huawei учун ажратилган квоталарни чеклади. Аммо бу чеклов 5 нанометр ва 3 нанометр техжараёнлар ёрдамида яратиладиган процессорларга тааллуқли эмас. Эҳтимол, TSMC'нинг бундай хатти-ҳаракати ишлаб чиқариш қуввати етишмаслиги билан боғлиқ бўлиши ва бу ерда ҳеч қандай сиёсий йўқ бўлиши ҳам мумкин. Аммо квота қисқартирилиши АҚШнинг Huawei'га етказиладиган чипларни назорат қилишни режалаштираётгани ҳақидаги миш-мишлар фонида амалга оширилмоқда.Бир қатор таҳлилчилар хавотирланишга асос йўқлигини тахмин қилишмоқда. Уларнинг фикрича, чиплар блокировкаси ҳақидаги гаплар эса шунчаки миш-мишдан бошқа нарса эмас. Президентлик сайловлари арафасида Доналд Трумп мамлакат иқтисодиётига ва иқтисодий ҳамкорлар билан муносабатларга салбий таъсир кўрсатиши мумкин бўлган ҳар қандай радикал чораларни қабул қилишдан манфаатдор эмас.

ЎҚИНГ: Huawei энди Samsung’га қақшатқич зарба бериш йўлини топди!

Сайтимизнинг энг чиройли расмларини Инстаграмдаги саҳифамизда томоша қилинг!