1-чорак якунлари: Samsung ушбу бозорда етакчи

1-чорак якунлари: Samsung ушбу бозорда етакчи

Samsung дисплейлари OLED бизнеси оламида ҳали ҳам етакчилик қилмоқда. Бу ҳақида ETNews хабар бермоқда.

Stone Partners ўтказган сўнгги бозор таҳлилига кўра, кореялик ишлаб чиқарувчи 2020 йилнинг биринчи чорагида бутун дунёдаги OLED панелларининг жами 90% ини ишлаб чиқарган. Аммо ўтган йилнинг мос даврига нисбатан бу бироз пасайиш ҳисобланади — 2019 йилнинг 1-чорагида чиқарилган OLED панелларнинг 94.1% ини Samsung ҳиссасига тўғри келган эди.

Аниқ рақамларга тўхталсак, глобал миқёсда ишлаб чиқарилган 68.3 миллион OLED панелларнинг 61.6 миллионтаси Самсунг заводларидан чиққан. Иккинчи ўринда эса EverDisplay Optonics компанияси турибди. Унинг бозордаги улуши 4.9%. Ишлаб чиқарган панеллари сони — 3.3 миллион.

Саноат вакилининг сўзларига кўра, хитойлик ишлаб чиқарувчилар етказиб бераётган қаттиқ OLED панеллар сони эса жуда кам.

Ҳозирда қуйи ва ўрта тоифа смартфонларининг ҳам OLED панеллари билан жиҳозланаётганини ҳисобга олган ҳолда мутахассисларнинг башорат қилишича, Samsung'нинг ушбу бозордаги етакчилиги келажакда ортиб боради.

ЎҚИНГ: Samsung'чиларга иккита хабар бор: бири яхши, бири ёмон. Қайси биридан бошлайлик?

Terabayt.uz сайтининг видеолари: Youtube'даги каналимизда!