Энг оммабоп 10 смартфон (15-ҳафта)
Ўн бешинчи ҳафта ҳам ўз ниҳоясига етди. Айтиш керакки, ортда қолган етти кун смартфон оламида воқеаларга бой бўлди ва албаттаки, бизнинг чартимизда ҳам ўз сўзини айтди.
Тақдимоти яқинлашиб келаётган iPhone SE (2020) бу гал етакчилик қилди. Xiaomi'нинг доимий машҳур Redmi Note 8 Pro'си нақ етти поғона юқорилаб, иккинчи ўринни банд қилган бўлса, топ учталикни OnePlus 8 Pro якунлаб берди.
Samsung'нинг Galaxy A51'и ҳам бу гал анча оммалашиб, тўртинчи ўринни эгаллади. Xiaomi Redmi Note 8 эса бешинчида.
Ўтган сафарги чартимиздаги ўрнини сақлаб қолган ва кутилмаганда савдолари яхши кетаётган Samsung Galaxy S20 Ultra олтинчиликка ўз номини ёздириб қўйди. Сотувлари бошлангани сабаб Redmi Note 9S'га бўлган қизиқиш ошганини ушбу қурилма еттинчи ўринда турганидан билиш мумкин.
Анчадан бери кўриниш бермаётган ва яқинда 5G версияси тақдим қилинган Samsung Galaxy A71 саккизинчиликка лойиқ кўрилган бўлса, сўнгги икки ўрин мос равишда Huawei P40 Pro+ ва P40 Pro'ларга насиб қилди.
Бу эса Xiaomi Mi 10 Lite, Mi 10 Pro ва Redmi K30 Pro'лар билан хайрлашишимизга тўғри келди, дегани. Oppo Ace 2 ҳам бу гал энг оммабоп 10 смартфондан бири бўлмади.
Шундай қилиб, ўн бешинчи ҳафтадаги топ ўнталигимиз Xiaomi'нинг 3 та, Samsung'нинг 3 та, Huawei'нинг 2 та, Apple'нинг 1 та ва OnePlus'нинг 1 та смартфонидан иборат бўлди.
Apple iPhone SE (2020)
Ҳозирги рейтинги: 1/Ўтган ҳафтадаги рейтинги: Топ ўнталикка кирмаган
Xiaomi Redmi Note 8 Pro
Ҳозирги рейтинги: 2/Ўтган ҳафтадаги рейтинги: 9
OnePlus 8 Pro
Ҳозирги рейтинги: 3/Ўтган ҳафтадаги рейтинги: Топ ўнталикка кирмаган
Samsung Galaxy A51
Ҳозирги рейтинги: 4/Ўтган ҳафтадаги рейтинги: 8
Xiaomi Redmi Note 8
Ҳозирги рейтинги: 5/Ўтган ҳафтадаги рейтинги: 10
Samsung Galaxy S20 Ultra 5G
Ҳозирги рейтинги: 6/Ўтган ҳафтадаги рейтинги: 6
Xiaomi Redmi Note 9S
Ҳозирги рейтинги: 7/Ўтган ҳафтадаги рейтинги: Топ ўнталикка кирмаган
Samsung Galaxy A71
Ҳозирги рейтинги: 8/Ўтган ҳафтадаги рейтинги: Топ ўнталикка кирмаган
Huawei P40 Pro+
Ҳозирги рейтинги: 9/Ўтган ҳафтадаги рейтинги: 2
Huawei P40 Pro
Ҳозирги рейтинги: 10/Ўтган ҳафтадаги рейтинги: 3
