Apple флагман смартфон нархида... компьютер ғилдираги чиқарди!
Купертинолик гигант бултур ёзда янги авлод Mac Pro компьютерини тақдим этган, декабрда эса уни нақ битта уй нархида сота бошлаган эди. Ташқи кўриниши сабабли ижтимоий тармоқларда кўплаб масхараларга сабабчи бўлган эса-да, кейинроқ...
ЎҚИНГ: Нархи уй билан баробар компьютер янгича корпусда, янада қимматлашиб чиқди!
Apple энди шу компьютери учун бир нечта аксессуарлар тақдим этди ва улар ҳам Mac Pro 7.1’нинг ўзи каби қиммат. Булардан биринчиси – компьютерни офис ёки квартира бўйлаб ҳаракатлантириш учун остига ўрнатиладиган ғилдираклар тўпламидир.
Корпорация олдин ҳам шунақа ғилдираклар чиқарган, фақат уларни Mac Pro билан бирга, нархи устига 399 доллар қўшимча тўлиб олиш мумкин эди. 400 долларга компьютер ғилдираги – қиммат, дейсизми? Унда навбатдаги зарбага тайёр туринг...
Mac Pro учун янги тақдим этилган ғилдирак хромланган зангламас пўлатдан ва резинадан ишланган бўлиб, алоҳида ҳолда ҳам сотилади. Нархи эса осмонда – 699 доллар! Ахир, бу пулга флагман смартфон харид қилиш, ёки устига яна юзта қўшиб, куни кеча намойиш қилинган ихчам iPhone SE моделидан нақ иккита олиш мумкин-ку!
ЎҚИНГ: Ишонмайсиз, лекин бу iPhone’нинг яп-янгисини атиги 25 доллардан сотишяпти!
Агар компьютерингизга ғилдиракнинг кераги йўқ, десангиз, балки зангламайдиган пўлатдан қилинган оёқчалар сотиб оларсиз? Apple уларни ғилдиракларга нисбатан анча арзон сотяпти – 299 доллар. Қойилмисиз?
Юқоридаги иккита аксессуар – ғилдираклар ва оёқчалар тўпламларига олти қиррали бурагич ҳам қўшиб беришади. Аммо, йўриқномасига қараганда, уларни компьютерга ўрнатиш учун бошқа ускуналар ҳам керак бўлади.
Дарвоқе, Apple яқиндагина қайта тикланган Mac Pro’ларни арзонлаштириб сота бошлаган, чегирманинг ўзиёқ нақ 1000 доллардан 4000 долларгача боради!
ЎҚИНГ: 2 000 долларлик iPhone қиммат, дейсизми? 71 520 долларлиги чиқди! (+видео)
