Энг оммабоп 10 смартфон (16-ҳафта)

Энг оммабоп 10 смартфон (16-ҳафта)

Ортда қолган ўн олтинчи ҳафта Apple ва OnePlus ўзларининг янги қурилмаларини тақдим қилгани билан смартфонлар оламида муҳим ўрин тутди. Табиийки, бу тақдимотлар аҳамияти бизнинг рейтингимизда ҳам акс этди.

Янги ҳамёнбоп iPhone SE аввалги чартимизда ҳам биринчиликни эгаллаган эди. Қурилма бу гал ҳам машҳурлигини йўқотмади.

OnePlus 8 Pro ҳам янги ва кўчиликнинг эътиборини тортишда давом этмоқда. Хитойликларнинг анчайин мақталаётган ва Samsung Galaxy S20 Ultra'га ҳақиқий рақиб бўлиши айтилаётган ушбу қурилмаси иккинчи поғонани банд этди.

Янги iPhone SE'га таққосланаётгани боис оригинал iPhone SE ҳам оммабоп бўлишга эришиб, учинчиликка ўз номини ёздириб қўйди. Очиғини айтганда, янги iPhone кўп жиҳатдан, 2016 йилги iPhone SE'га эмас, балки iPhone 8'га ўхшайди, лекин Апплеънинг ўз қурилмаларини номлаш борасидаги стратегиясига аралашиш ҳуқуқи бизда йўқ. Нима ҳам қилардик!?

Энди яна хитойликларга эътибор қаратамиз. OnePlus 8'га тўртинчи, Xiaomi Redmi Note 8 Pro'га эса бешинчи ўрин насиб қилди.

Рейтингизмизга янги қўшилган Xiaomi Redmi Note 9 гаджети эса олтинчида. Еттинчи ўринни Samsung ўзининг Galaxy A51'и билан эгаллаган бўлса, iPhone 7 саккизинчиликни банд этди. Топ ўнтлалигимизда учта iPhone бўлиши ҳолати охирги марта iPhone 11 оиласи тақдим қилинганда юз берганди. Мана, бу яна такрорланди.

Миш-мишлари тарқалаётган Oppo A92s тўққизинчи, Redmi Note 8 эса охирги ўринларни эгаллаб, чартимизга якун ясади.

Шу билан, Huawei P40 Pro жуфтлиги, Redmi Note 9S, Samsung Galaxy A71 ва S20 Ultra'ларга видолашув сўзини айтдик. Лекин негадир Honor'нинг янги қурилмари рўйхатимизга кира олмади.

Шундай қилиб, ўн олтинчи ҳафтадаги рейтингимиз Apple'нинг 3 та, Xiaomi'нинг 3 та, OnePlus'нинг 2 та, Samsung'нинг 1 та ва Oppo'нинг 1 та смартфонларидан таркиб топди.

Apple iPhone SE (2020)
Ҳозирги рейтинги: 1/Ўтган ҳафтадаги рейтинги: 1
OnePlus 8 Pro
Ҳозирги рейтинги: 2/Ўтган ҳафтадаги рейтинги: 3
Apple iPhone SE
Ҳозирги рейтинги: 3/Ўтган ҳафтадаги рейтинги: Топ ўнталикка кирмаган
OnePlus 8
Ҳозирги рейтинги: 4/Ўтган ҳафтадаги рейтинги: Топ ўнталикка кирмаган
Xiaomi Redmi Note 8 Pro
Ҳозирги рейтинги: 5/Ўтган ҳафтадаги рейтинги: 2
Xiaomi Redmi Note 9
Ҳозирги рейтинги: 6/Ўтган ҳафтадаги рейтинги: Топ ўнталикка кирмаган
Samsung Galaxy A51
Ҳозирги рейтинги: 7/Ўтган ҳафтадаги рейтинги: 4
Apple iPhone 7
Ҳозирги рейтинги: 8/Ўтган ҳафтадаги рейтинги: Топ ўнталикка кирмаган
Oppo A92s
Ҳозирги рейтинги: 9/Ўтган ҳафтадаги рейтинги: Топ ўнталикка кирмаган
Xiaomi Redmi Note 8
Ҳозирги рейтинги: 10/Ўтган ҳафтадаги рейтинги: 5

Барча тасвир ва рендерлар GSMArena.com сайтидан олинди.

ЎҚИНГ: Энг оммабоп 10 смартфон (15-ҳафта)

Хабарларни тез ва осон ўқиш учун Андроид иловамизни сақлаб олинг.