Нафақат Google ва Netflix, балки Apple ҳам Ўзбекистонда солиқ тўлаяпти!

  •   DiMaX
  •  624
  •  12.05.2020 14:41

Нафақат Google ва Netflix, балки Apple ҳам Ўзбекистонда солиқ тўлаяпти!

Жорий йилнинг апрель ойида Google ҳамда Netflix компаниялари юртимизда қўшилган қиймат солиғини (ҚҚС) тўлай бошлаган эди. Давлат солиқ қўмитаси Матбуот хизмати хабарига кўра, Ўзбекистон Республикасида энди Apple ҳам солиқ тўламоқда.

ЎҚИНГ: Apple ва Google муваффақиятининг учта сири

2020 йилдан бошлаб Ўзбекистон Республикаси ҳудудида жисмоний шахсларга хизматларни электрон шаклда тақдим этадиган хориж компаниялари учун қўшилган қиймат солиғи (ҚҚС) тўлаш тартиби жорий этилган эди.

Тарихдаги энг йирик капиталлашган корпорация – Apple Distribution International Limited расман Ўзбекистонда ихтиёрий равишда ҚҚС тўловчиси сифатида рўйхатдан ўтди ва I чоракдаги фаолияти натижаларига кўра, давлат бюджетига 59,2 минг AҚШ доллари миқдорида солиқ тўлади.

Бугунги кунга қадар Ўзбекистонда электрон хизмат кўрсатаётган 10 та чет эл компанияси «Интернет-компанияларнинг ҚҚС офиси» (http://tax.uz) орқали қўшилган қиймат солиғи (ҚҚС) тўловчиси сифатида рўйхатдан ўтди.

ЎҚИНГ: Apple бош акционери ҳам, ниҳоят, Samsung тугмачали телефонини ташлаб iPhone олди, лекин...

Эслатиб ўтамиз, аввалроқ Ўзбекистон ҳудудида электрон хизмат кўрсатувчи хориж компанияси – Google Commerce Limited ҳам ҚҚС тўловини амалга оширган эди. Мазкур компания жорий йилнинг I чораги якунларига кўра, давлат бюджетига 85 минг евро тўлаган.

Бундан ташқари, фильмлар ва сериаллар етказиб берувчи – Netflix International B.V. компанияси ҳам Ўзбекистон бюджетига 4,3 минг евро миқдорида ҚҚС тўлаган.

Чет эл компанияларининг ихтиёрий равишда рўйхатдан ўтиши ва солиқларни тўлаши ҳудудида пуллик хизмат кўрсатаётган мамлакат қонунларини ҳурмат қилишларини англатади, дейилади ДСҚ сайтида.

ЎҚИНГ: Аҳамиятига кўра Google асосчиларидан кейинги ўринда турувчи раҳбар уни буткул тарк этди

Terabayt.uz сайтининг видеолари: Youtube'даги каналимизда!