Huawei осмонида яна қора булутлар пайдо бўлди!

Huawei осмонида яна қора булутлар пайдо бўлди!

2020 йил кўп жиҳатдан ҳаммамиз учун мураккаб йил бўлди, айниқса, Huawei учун.

Қўшма Штатларда қўйилган дастлабки тақиқ-у, ҳозирга қадар жорий қилинган чекловлар  компаниянинг Хитойдан ташқаридаги бизнесига қаттиқ зарба бўлди.

Буларнинг ҳаммаси етмаганидек, Huawei энди навбатдаги шум хабарни қарши олишига ҳам тўғри келди. Гап шундаки, Samsung смартфон ишлаб чиқаришдаги етакчилардан бўлган Huawei'га дисплей ва чиплар етказиб беришни тўхтатмоқчи. Бу ҳақда Android Police нашри хабар бермоқда.

Корейс ОАВнинг хабар беришича, Samsung 15 сентябрдан бошлаб Huawei'га яримўтказгичлар, жумладан, DRAM ва NAND флеш-чипларини етказиб беришни тўхтатади. Бу ҳам етмаганидек, бундан буён корейс компаниясининг дисплей ишлаб чиқариш бўлими хитойликларни OLED панеллар билан таъминламайди. LG ва SK Hynix'лар ҳам Huawei'га дисплей ва чип етказиб беришни тўхтатиши кутилмоқда.

Яқинда, Қўшма Штатлар Huawei'га эълон қилган санкциялар қамрови кенгайиб, Huawei'га чип етказиб бериш ҳам тақиқланганди. Шу сабабдан, Samsung яримўтказгичлар етказиб беришни тўхтатмоқда. Тўғри, Huawei Samsung'дан катта миқдорда дисплей харид қилмайди, лекин компания Samsung'нинг хотира чипларига бўлган энг катта мижозлардан ҳисобланади.

Huawei билан алоқаларнинг узилиши Samsung учун талафот эмас. Аксинча, энг кучли рақибларидан бирининг ишлари пачава бўлиши Samsung'нинг смартфон бизнесига катта фойда келтиради.

ЎҚИНГ: Huawei иккита ҳамёнбоп 5G-смартфон – Enjoy 20 ҳамда 20 Plus’ни тақдим этди

Сайтимизнинг энг чиройли расмларини Инстаграмдаги саҳифамизда томоша қилинг!