realme 7 5G'нинг техник жиҳатлари ва қадоқ таркиби билан танишамиз

realme 7 5G'нинг техник жиҳатлари ва қадоқ таркиби билан танишамиз

Номидан ҳам кўриниб турганидек, realme 7 5G смартфонининг асосий жиҳати унинг 5G тармоғида ишлай олишидир. Қурилма янги MediaTek Dimensity 800U чипида ишлайди.

Dimensity чиплари бир қанча вақтдан бери Хитой бозоридаги смартфонларга қўйиб келинмоқда, realme 7 5G эса мазкур чипда ишлайдиган Европада ҳам сотувга чиққан илк смартфондир. realme 7 5G, шунингдек, Европа бозоридаги смартфонлар орасида 5G+5G DSDS технологиясини қўллаб-қувватловчи илк ҳамёнбоп смартфон сифатида ҳам маркетинг қилинмоқда.

Келинг, энди realme 7 5G смартфонининг техник жиҳатлари билан танишиб чиқамиз:

> Корпус: 162.2х75.1х9.1 мм, 195 г; пластик корпус; чанг ва сув ўтказмайдиган порт ва карнайлар; ранглар: Baltic Blue (Mist Blue).

> Дисплей: 6.50" IPS LCD, 120Hz, 480 нит, 1080х2400 пиксел резолюцияси, 20:9 форма фактори, 405 пиксел/дюйм зичлик.

> Чипсет: MediaTek Dimensity 800U 5G (7 нм): саккиз ядроли (2х2.4 Ghz Cortex-А76 & 6х2.0 GHz Cortex-А55); Mali-G57 MC3.

> Хотира: 6ГБ/128ГБ 6ГБ, 8ГБ/128ГБ; UFS 2.1; microSDXC.

> Операцион тизим/Қобиқ: Android 10, realme UI 1.0.

> Орқа камера: •Кенг (асосий): 48МП, f/1.8, 26мм, 1/2.0", 0.8µм, PDAF; •Ультракенг: 8МП, f/2.3, 119° кўриш майдони, 1/4.0", 1.12µм; •Макро: 2МП, f/2.4; •Сатҳ: 2 МП, f/2.4; LED чироқ, HDR, панорама.

> Олд мамера: 16 МП, f/2.1, 26мм (кенг), 1/3.06“, 1.0µм; HDR.

> Аккумулятор: 5,000 мАс; 30 Вт тезкор қувватлаш; 26 дақиқада 50%, 65 дақиқада 100% қувват (рекламага кўра); тескари қувватлаш.

> Бошқа: бармоқ изи сканери (ён томонда), акселерометр, гироскоп, яқинлик датчиги, компасс, NFC.

Турли тоифа ва сериядаги смартфонлар чиқаришдан realmeънинг аниқ мақсади нима эканини аниқ билмаймиз. Моделлар бир-биридан кескин фарқ қилади, уларнинг сотувда мавжудлиги ҳам бозордан-бозорга фарқ қилади. realme 7 5G смартфони ҳамёнбоп смартфон учун ноодатий функциялар жамланмасидан иборат.

Масалан, 120Hz экран янгиланиш частотаси. 90Hz частота аллақачон қатор ҳамёнбоп смартфонларда, мисол учун, realme 7i ва realme Narzo 20 Pro'ларда мавжуд; компания realme 7 5G смартфонида ҳам 90Hz янгиланиш частотасини жорий қилса бўлар эди. Бундан ташқари, 30 Вт тезкор қувватлаш имконияти, 5,000 мАс аккумулятор, процессорнинг ўртача даражадаги унумдорлиги ҳам ҳамёнбоп смартфонни яхши таклифга айлантирган.

Қурилманинг базавий 6/128ГБ версиясини 330 доллардан бошлаб сотиб олиш мумкин. Бу Европа бозори учун анчайин қулай нарх.

Қадоқ таркиби
realme 7 5G смартфони кўзни олувчи оч сариқ қутида сотилади. Қадоқнинг бир неча жойига «5G» деб ёзилган. 30 Вт лик Dart Charge (5В@6А) адаптери ҳам қадоқ ичида бўлади. Бунга қўшимча, яхши сифатли, қалин USB-A-to-USB-C кабели ҳам қадоқ таркибидан жой олган.

Қўшимча аксессуарлардан эса шаффоф силикон ғилофи, экранга олдиндан қопланган протекторларни ҳам қути ичидан топишингиз мумкин.

ЎҚИНГ: Honor 10X Lite'нинг техник жиҳатлари ва қадоқ таркиби билан танишамиз

Сайт янгиликларидан доимий хабардор бўлиш учун Телеграм каналимизга қўшилинг!