Ортга назар: Lamborghini, Ferrari, Porsche va Spyker машиналари номидаги телефонлар

Ортга назар: Lamborghini, Ferrari, Porsche va Spyker машиналари номидаги телефонлар

Аввалги сондаги мақоламизда Nokia 8800 Aston Martin Edition телефони ҳақида маълумот берган эдик. Буни қарангки, Nokia 8800'нинг Lamborghini Edition'даги телефони ҳам мавжуд экан. Ушбу мақолада ҳам автомобиль бренди номидаги девайслар ҳақида сўз юритамиз.

ЎҚИНГ: Ортга назар: Кутилмаган брендлардан ноодатий телефонлар (1-қисм)

Nokia 8800 Sirocco Lamborghini Edition
Италиялик суперкар ишлаб чиқарувчи компания гаджетни Nokia 8800 Sirocco деб номлаган. Sirocco — бу Ўртаер денгизида содир бўлувчи кучли довулнинг номидир. Довул номига эга бўлган яна бир автомобиль Lamborghini Huracan ҳали намойиш этилмаган эди.

Финлар телефон дизайнини Lamborghini автомобилларининг дизайнига ўхшатиб ишлашган. Машҳур буқа тасвирланган логотип эса қурилманинг иккала томонига туширилган.

Nokia 8800 Sirocco Lamborghini Edition телефони фақатгина 500 дона ишлаб чиқарилган ва улар Lamborghini дилерларига тақдим этилган.

Lamborghini Spyder телефони ва планшети
Олти йилдан сўнг Lamborghini тўғридан-тўғри телефонлар ишлаб чиқариш билан шуғулланишга қарор қилди ва Россия бозори учун учта Spyder телефони ва планшетини ишлаб чиқарди («Spyder» — бу икки кишилик усти очиқ бўлган спорткарнинг номи).

Lamborghini LT700 Android тизимида ишлайдиган смартфон бўлган (Android 2.3 Gingerbread). У 4.7 дюймлик 480 × 800 пикселли экран, 5МП камера, Snapdragon чипи, 4ГБ доимий хотира ва 1,400 мАс аккумуляторга эга бўлган.

...

Смартфон корпуси олтин билан қопланган бўлса, қурилма дисплейи сафир сиша билан ҳимояланган. Гаджетнинг орқа томони эса тимсоҳ тери билан қопланган. Смартфон нархи — 90,000 рублни (ўша даврда 2,783 долларни) ташкил қилган.

ЎҚИНГ: Ортга назар: Кутилмаган брендлардан ноодатий телефонлар (2-қисм)

LT688 Spyder ва LT820 Spyder 2 девайслари деярли бир-бирига ўхшаш бўлган. LT688 Spyder'га 2 дюймлил QVGA дисплейи ва 3МП камера ўрнатилган бўлса, LT820 Spyder 2 бироз яхшиланган 2.4 дюймлик VGA дисплейи ва 5МП камера ўрнатилган.

...

Иккала моделнинг корпуси олтин билан, орқа панели эса чарм билан қопланган. LT866 Spyder нархи 60,000 рублни, LT820 Spyder 2 нархи эса 80,000 рублни ташкил қилган.

Lamborghini томонидан L2800 номли планшет ҳам ишлаб чиқарилган. Ушбу планшет Android 2.3 Gingerbread тизимда ишлаган ва Android 4.0 Ice Cream Sandwich тизимигича янгиланишига кафолат берилган. Қурилма iPad'га ўхшаб 9.7 дюймлик 1024 х 768 пикселли экранга эга бўлган. Шунингдек, унга Snapdragon чипи, 512МБ тезкор хотира ва 4ГБ доимий хотира ўрнатилган. Девайсни сотиб олиш учун харидорлар чўнтакларидан 75,000 рубль ажратишлари керак бўлган.

...

Acer Liquid Ferrari Special Edition
Бир неча йиллар олдин Acer ва Ferrari компаниялари бир жамоа бўлиб Acer Liquid Ferrari Special Edition смартфонини ишлаб чиқишди. Ушбу гаджет қизил рангда бўлиб корпус орқа пенели углерод тола билан ишланган.

Қурилма қадоғидан Ferrari брендидаги чангдан ҳимоя қилувчи ғилоф, Bluetooth билан ишловчи ва шовқинни бартараф қилувчи қулоқчин ўрин олган.

2011 йилда иккала компания унчалик ҳашаматли бўлмаган Acer Liquid мини E310 гаджетини тақдим этишган. Ушбу девайс 600 MHz бир ядролик процессор, 3.2 дюймлик 320 × 480 пиксел экран ва 5МП камерага эга бўлган.

Vertu Ascent Ferrari GT
Агар Ferrari нархидаги телефон керак бўлса, Vertu Ascent Ferrari GT сотиб олишингиз мумкин. Телефон техник кўрсаткичлари Liquid мини'дан ҳам оддийроқ, лекин ташқи кўриниши анчагина ҳашаматли.

Телефон корпуси алюминий ва қора матовое PVD қоплами билан ишланган. Шунингдек, қурилма қўл билан тикилган безакли чарм (Ferrari ўз машиналарининг ички қисми учун фойдаланадиган чарм билан бир хил) билан қопланган. Орқа панелда Ferrari двигателини эслатувчи керамик аккумулятор ҳам ўрин олган.

Ascent Ferrari GT гадгети бу Vertu ва Ferrari компаниялари томонидан ишлаб чиқарилган ягона телефон эмас. Vertu Ascent Ti Ferrari телефони Giallo ва Rocco версияларида ҳам тақдим этилган. Телефонларнинг орқа томони қўлда тикилган чарм билан қопланган. Бироқ ён томондаги рангли ромлар каучукдан ясалгани бироз ажабланарли туюлади.

...

ЎҚИНГ: 2021 йилнинг энг кутилаётган 10 смартфони

Spyker телефонлари
Ferrari ва Lamborghini машиналари ҳақида эшитмаган одам бўлмаса керак. Spyker автомабиллари борлигини қанча одам эшитган. Ушбу голландиялик спорткар ишлаб чиқарувчи компания Aeroblade, S8 Laviolette ва Aileron каби машиналар номи остида телефонлар ҳам чиқара бошлаган.

BlackBerry Porsche Design
Huawei Porsche дизайнидаги смартфонларни ишлаб чиқаришидан олдин, BlackBerry ушбу иш билан шуғулланар эди. 2011 йилнинг охирида BlackBerry компанияси Bold Touch 9900 телефони асосида BlackBerry Porsche Design Pʼ9981 ишлаб чиқди. Иккала телефоннинг техник жиҳатлари бир хил, бироқ Pʼ9981'нинг корпуси зангламас пўлат ва чармдан ишланган. Ҳатто BlackBerry QWERTY клавиатураси ҳам металдан ишланган.

2013 йилда эса компания BlackBerry З10 асосида Porsche Pʼ9982 гаджетини намойиш қилди. Қурилмада ҳеч қандай клавиатура бўлмаган ва унинг корпуси зангламас пўлат ва ипак мато билан қопланган.

...

Porsche Design Pʼ9983 ишлаб чиқарилиши билан гаджетга клавиатура қайтарилган. Шунингдек, ушбу телефоннинг олтиндан ишланган версияси ҳам тақдим этилган.

Blaupunkt Car Phone
Blaupunkt компанияси асосан автомабил аудио ускуналарини ишлаб чиқаради ва ҳали ҳам ўз фаолиятини юритиб келмоқда. Компания телефонларни бирор машина номи остида чиқармаган. Шунчаки компания ишлаб чиқарган гаджетлар автомобилларга ўхшайди.

...

ЎҚИНГ: Дунёдаги энг қиммат 10 смартфон

Сайтимизнинг энг чиройли расмларини Инстаграмдаги саҳифамизда томоша қилинг!