Honor V40 Lite смартфони ҳамда Honor Tab 7 планшети намойиш этилди

Honor V40 Lite смартфони ҳамда Honor Tab 7 планшети намойиш этилди

Huawei'дан ажралиб чиққан Honor компанияси иккита янги: Honor V40 Lite ва Honor Tab 7 қурилмаларини тақдим этди. Honor V40 Lite смартфони Huawei nova 8 5G смартфонининг янгиланган модели бўлиб, Huawei nova 8 5G'дан фарқли равишда, унга Mediatek Dimensity 800U чипи ўрнатилган.

ЎҚИНГ: Huawei’дан ажралиб чиққан Honor’нинг илк флагмани тақдимотдан кейиноқ сотиб тугатилди!

Honor V40 Lite

Honor V40 линейкасининг энг сўнгги аъзоси қайрилган 6.57 дюйм FHD+ резолюсиядаги OLED дисплейига эга бўлиб, унинг янгиланиш частотаси 90Hz'ни ташкил қилади. Дисплей юқори қисми марказида 32МП селфи камера жойлашган. Шунингдек, бармоқ изи сканери экран остидан ўрин олган.

Орқа панелда 64МП асосий камера, 8МП ультракенг, 2МП макро ҳамда 2МП сатҳ камераси жойлашган. Қурилманинг 8/128ГБ ва 8/256ГБ хотира сиғимли турлари мавжуд.

Honor V40 Lite Android 10'га асосланган Magic UI 4.0 қобиғида ишлайди. Қурилма аккумулятор сиғими 3,800 мАс ташкил қилиб, 66 ваттда қувват олади. Қувватлаш адаптери смартфон қутисидан ўрин олган.

Honor V40 Lite уч хил - қора, градиент ва яшил рангларда сотувга чиқарилади. Девайснинг 8/128ГБ версияси 460 доллар бўлса, 8/256ГБ версияси 506 долларни ташкил қилади. Қурилма биринчи бўлиб 26-мартда Хитой бозорларида сотила бошлайди.

Honor Tab 7

Ушбу планшет бюджет синфига мансуб бўлиб, унга 10.1 дюйм FHD+ резолюсиядаги IPS LCD дисплейи ўрнатилинган. Tab 7 стерео карнай ҳамда 5МП селфи камерага эга. Шунингдек, қурилма Helio P22T чипи билан жиҳозланган. Honor Tab 7'нинг 4/64ГБ ва 4/128ГБ хотира сиғимли турлари мавжуд. Хотирани microSD билан кенгайтириш имконияти ҳам яратилган.

Қурилманинг орқа панелида 2МПлик камера жойлашган. Планшет Android 10'га асосланган Magic UI қобиғида ишлайди.

Honor Tab 7 планшетининг 4/64ГБ версияси 215 доллар, 4/128ГБ версияси эса 254 долларни ташкил қилади. Мобил тармоқни қўллаб-қувватловчи 4/128ГБ хотира версиясини 292 доллар нархда сотиш режалаштирилган.

ЎҚИНГ: Honor V40 намойишидан аввал «жонли» видеолари чиқди (+нархи)

Хабарларни тез ва осон ўқиш учун Андроид иловамизни сақлаб олинг.