Қайрилма экран, учта камера, Dimensity 1000+ чипига эга realme X7 Pro Ultra чиқди

Қайрилма экран, учта камера, Dimensity 1000+ чипига эга realme X7 Pro Ultra чиқди

realme компанияси ўтган йил сентябрь ойида ўзининг X7 Pro смартфонини (техник жиҳатлари) тақдим қилган эди. Куни кеча эса қурилманинг Ultra ёки Extreme Edition версияси намойиш қилинди.

ЎҚИНГ: 12 ГБ «оперативка»ли ҳамёнбоп Realme GT Neo флагмани Geekbench’да кучини кўрсатди

Кутилганидек, янги смартфон қатор техник жиҳатлари борасида X7 Pro'дан устун, бироқ, қизиғи, Ultra/Extreme Edition'нинг Pro моделдан камчилик томонлари ҳам бор. Айтиш жоизки, X7 Pro 120Hz FullHD+ ясси AMOLED экранга эга. Ultra эса қайрилган 90Hz экран билан жиҳозланган. X7 Pro'даги камералар сони ҳам биттага камайиб, учта бўлиб қолган. Ваҳоланки, амалий жиҳатдан олиб қараганда, камера борасида бу ўзгариш унчалик ҳам сезиларли эмас, сабаби олиб ташланган камера 2МП сатҳ камераси ҳисобланади. Қолдирилган учта модул эса 64МП асосий, 8МП ультракенг ва 2МП макро камералардир.

Ижобий ўзгаришларга келсак, realme X7 Pro Ultra қурилмаси Android 11 асосидаги realme UI 2.0 интерфейсида ишлайди. Смартфоннинг максимал хотира конфигурацияси сиғими 12/256ГБга тенг. Агар сизга катта хотира унчалик аҳамиятли бўлмаса, 8/128ГБлик талқинини сотиб олсангиз ҳам бўлади.

Аккумулятор сиғими 4,500 мАс бўлган X7 Pro Ultra 65 Вт да тезкор заряд олади. Вазни 170 грамм, қалинлиги эса 7.8 мм. Орқа панелдаги «Dare To Leap» ёзуви ҳажми кичрайган ва камера модулидан пастга туширилган. realme логотипи эса ўнг томонга жойланган.

X7 Pro'дан ўзгаришсиз қолган жиҳатлар қаторига Dimensity 1000+ SoC, 32МП селфи камера, экраности бармоқ изи сканери, USBC порти, стерео карнайлар, Dolby Atmos функцияси, VC суюқликли совутиш тизими, NFC ва 5G алоқаси киради.

realme X7 Pro Ultra икки рангда сотувга чиққан. Қурилмани Хитойда компаниянинг расмий сайтидан ҳозирдан сотиб олсангиз бўлади. 8/128ГБ модель 2,399 CNY (365 доллар) турса, 12/256ГБ версия учун компания 2,699 CNY (410 доллар) сўраяпти.

realme X7 Pro Ultra Хитойдан ташқи бозорга чиқиш-чиқмаслиги ҳақида ҳозирча бирор гап йўқ.

ЎҚИНГ: 400 долларгача бўлган смартфонлар: қайси бирини сотиб олган яхши?

Хабарларни тез ва осон ўқиш учун Андроид иловамизни сақлаб олинг.