Samsung кутилмаганда тўрт йиллик флагманларга янгиланиш жўнатди

Samsung кутилмаганда тўрт йиллик флагманларга янгиланиш жўнатди

Samsung тўрт йил олдин Galaxy S8 ва Galaxy S8+ смартфонларини ишлаб чиқарган ва бир неча ой олдин уларни тизим янгиланишини қабул қиладиган моделлар рўйхатидан чиқариб ташлаганди. Шунга қарамай, компания улар учун янги ва жуда муҳим хавфсизлик патчини чиқарди.

Боливияда ушбу смартфонлар учун G95xFXXUCDUE1 рақамли янги прошивка чиқарилди. Унда май ойидаги Android хавфсизлик янгиланишлари мавжуд бўлиб, улар тизимнинг бир нечта заиф томонларини бартараф этади ва барқарорликни яхшилайди.

Эслатиб ўтамиз, Galaxy S8 ва Galaxy S8+ смартфонлари Android 7.0 Nougat тизими билан тақсим қилинган. 2018 йил февраль ойида қурилмалар Android 8.0 Oreo янгиланишини ва 2019 йил бошида Android 9 Pie асосидаги One UI интерфейсининг янги версиясини қабул қилган.

ЎҚИНГ: Навбатдаги Galaxy смартфонига дастур янгиланиши кела бошлади

Сайтимизнинг энг чиройли расмларини Инстаграмдаги саҳифамизда томоша қилинг!