Xiaomi энди Apple'ни ҳам ортда қолдириб, Samsung'га рахна солмоқда

Xiaomi энди Apple'ни ҳам ортда қолдириб, Samsung'га рахна солмоқда

Huawei фожиасидан Honor'дан бошқа деярли барча Хитой смартфон брендлари манфаат кўрди, айниқса, Xiaomi. Бугун эълон қилинган статистика ҳам буни яна бир бор тасдиқлайди.

ЎҚИНГ: Canalys: Иккинчи чоракда глобал компьютер бозори 13% га ўсди. Қайси компаниялар етакчи бўлди?

Canalys таҳлил компаниясига кўра, 2021 йилнинг иккинчи чорагида Xiaomi бутун дунё бўйича сотувлар борасида иккинчи энг йирик смартфонсозга айланди. Қуйидаги жадвалда ҳам кўриниб турганидек, Samsung ҳали ҳам саноат етакчиси бўлиб, бозор улушининг 19% ини эгаллаб турибди. Xiaomi унга жуда яқин келган — 17%.

Xiaomi'нинг етказиб бериш кўрсаткичи Лотин Америкасида 300%, Африкада 150% ва Ғарбий Европада 50% га ошган. Шундай бўлса-да, Xiaomi премиум смартфонлар сотиб, уларнинг савдосини оширишга уринаётган бўлишига қарамай, сотилган ҳар бир қурилма нархи Samsung'никидан 40% га, Apple'никидан 75% га арзонроқ.

Canalys'нинг таъкидлашича, Xiaomi'нинг мақсади Mi 11 Ultra сингари премиум қурилмаларни кўпроқ сотишга йўналтирилган бўлиши керак, лекин Oppo ва vivo'лар ҳам айнан шу мақсадни кўзлагани ва бу компаниялар Xiaomi'дан фарқли ўлароқ, анъанавий маркетингга кўпроқ маблағ сарфлагани боис, бу обйкетивга эришиш Xiaomi'га қийинчилик туғдириши мумкин.

Агар барқарор ўсишда давом этда, Xiaomi катта эҳтимол билан Samsung'ни ҳам ортда қолдириб, биринчи рақамли смартфон сотувчисига айланиши мумкин. Apple'нинг бозор улуши 14% ни, Oppo ва vivo'ники эса 10% ни ташкил этмоқда, ҳар икки хитойлик компания ҳам жадал суръатларда ўсиб бормоқда. Ваҳоланки, ҳеч қайси компания иккинчи чоракда Xiaomi'чалик 83% ўсиш кўрсаткичини қайд этмаган.

ЎҚИНГ: Android 12 аллақачон бир неча Xiaomi смартфонларида синовдан ўтказилмоқда