Xiaomi Mi NoteBook Pro ва Mi NoteBook Ultra флагман ноутбуклари тақдим этилди

Xiaomi Mi NoteBook Pro ва Mi NoteBook Ultra флагман ноутбуклари тақдим этилди

Xiaomi компанияси бугун янги Xiaomi Mi NoteBook Pro ва Xiaomi Mi NoteBook Ultra ноутбукларини эълон қилди. Xiaomi India компаниясининг бошқарувчи директори ва глобал вице-президенти Ману Кумар Жаин ижтимоий тармоқдаги саҳифасида уларнинг хусусиятлари ва нархи ҳақидаги маълумотлар билан бўлишди.

ЎҚИНГ: Xiaomi 15 сентябрда тақдимот намойиши ўтказади

Xiaomi Mi NoteBook Ultra алюминий корпусга эга. Шунингдек, 15,6 дюймли, янгиланиш частотаси 90Hz бўлган 3200х2000 пикселли IPS дисплейи қурилмага ўрнатилган. Ноутбук Iris Xe графикаси, 8ГБ ёки 16ГБ DDR4 3200 MGts тезкор хотира ва 512ГБ НВМе доимий хотирага эга бўлган 11-авлод Intel Tiger Lake H серияли прoцессор (Core i5-11300H ёки Core i7-11370H) билан жиҳозланган. Ноутбук 70 ватт/соатлик аккумуляторга эга бўлиб, уни USB-C орқали 65 ватт тезликда зарядлаш мумкин.

Mi NoteBook Pro ҳам алюминий корпусга эга, лекин 2560х1600 пикселли, 60Hz экран янгиланиш частотасида ишловчи 14 дюймли IPS дисплейга эга. Ноутбук Iris Xe графикаси, 8ГБ ёки 16ГБ DDR4 оператив хотира ва 512ГБ NVMe доимий хотирага эга бўлган 11-авлод Intel Tiger Lake прoцессори билан жиҳозланган. Бу ноутбукда 70 ватт/соатлик аккумулятор бор, USB-C орқали 65 ваттда зарядлашни қўллаб-қувватлайди.

Иккала янги Xiaomi ноутбукларида бир неча турдаги портлардан фойдаланиш мумкин, жумладан, Thunderbolt 4, қувват узатувчи USB-C, USB 3.2 Ген 1 Type-A, USB 2.0 Type-A, HDMI 1.4 ва 3,5 мм аудио жек портлари иккала ноутбукда мавжуд. Симсиз боғланишда ноутбуклар Wi-Fi 6 ва Bluetooth 5.1 ни таклиф қилади. Иккала ноутбукда 720p резолюциядаги веб-камера, 2W стерео динамик, DTS қўллаб-қувватлаш имконияти, бармоқ изи сканери ва микрофон мавжуд.

Mi NoteBook Ultra ва Mi NoteBook Pro 83 та тугмачали, уч босқичли орқа ёритгичли клавиатурага эга, сенсорли панели Windows Precision драйверларига эга. Дастурий таъминот нуқтаи назаридан, ноутбуклар Windows 10 Home операцион тизимида ишлайди. Улар Windows 11 тизимига бепул ўтиш ҳуқуқига эга.

Xiaomi Mi NoteBook Ultra нархи:
Core i7 + 16ГБ RAM: 1040 доллар
Core i5 + 8ГБ RAM: 800 доллар
Core i5 + 16ГБ RAM: 860 доллар

Xiaomi Mi NoteBook Pro нархи:
Core i7 + 16ГБ RAM: 980 доллар
Core i5 + 8ГБ RAM: 770 доллар
Core i5 + 16ГБ RAM: 800 доллар

Ноутбуклар Ҳиндистонда 31 августдан сотувга чиқарилади.

ЎҚИНГ: Xiaomi иккинчи чоракда кутилганидан кўп даромад ва фойда қилди

Сайт янгиликларидан доимий хабардор бўлиш учун Телеграм каналимизга қўшилинг!